Tejas Release Date: कंगनाचा नवा अवतार! तेजस सिनेमात साकारणार पायलटची भूमिका

Kangana Ranaut : बॉलिवूड अभिनेत्री कंगना रणौत'चा आगामी तेजस सिनेमा लवकरच प्रेक्षकांच्या भेटीला येणार आहे. या सिनेमात कंगना पायलटची भूमिका साकारणार आहे.

Tejas Release Date : कंगना रणौतचा आगामी 'तेजस' सिनेमा सिनेमागृहात प्रदर्शित होण्यासाठी सज्ज झाला आहे. 'तेजस' चित्रपटात अभिनेत्री कंगना रणौत एका फायटर जेटच्या पायलटची भूमिका साकारत आहे. कंगनाने सोशल मीडियावर एक पोस्ट शेअर करत 'तेजस' सिनेमाच्या प्रदर्शनाची तारीख जाहीर केली आहे. 

'तेजस' सिनेमा 2022 च्या दसऱ्याला प्रदर्शित होणार आहे. सिनेमाचे लेखन आणि दिग्दर्शन सर्वेश मेवाडा यांनी केले आहे. सर्जिकल स्ट्राईकवर आधारित 'उरी: द सर्जिकल स्ट्राइक' या सिनेमाची निर्मिती केलेल्या 'आरएसवीपी' या निर्मिती संस्थेनेच या सिनेमाचीदेखील निर्मिती केली आहे. 'उरी' सिनेमात विकी कौशल मुख्य भूमिकेत दिसला होता. 'उरी' चित्रपटाने बॉक्स ऑफिसवर चांगलीच कमाई केली होती.

'कंगना'चा 'तेजस' सिनेमा  5 ऑक्टोबर 2022 रोजी सिनेमागृहात प्रदर्शित होणार आहे. हा सिनेमा आकाशाला स्पर्श करण्याचा निर्णय घेतलेल्या एका महिलेवर भाष्य करणारा आहे. भारतीय हवाई दलाला समर्पित हा चित्रपट दसऱ्याला म्हणजेच 5 ऑक्टोबरला प्रदर्शित होणार आहे. 'तेजस' सिनेमाचे शूटिंग गेल्या महिन्यातच पूर्ण झाले आहे.

 

कंगनाचे आगामी सिनेमे
'तेजस' सिनेमानंतर कंगनाचा 'धाकड' सिनेमा प्रदर्शित होणार आहे. धाकड चित्रपटात कंगना एका गुप्तहेराच्या भूमिकेत दिसणार आहे. कंगना 'द इनकार्नेशन ऑफ सीता' या पौराणिक चित्रपटातदेखील मुख्य भूमिकेत दिसणार आहे. 'टिकू वेड्स शेरू' या सिनेमावरदेखील कंगनाचे काम सुरू आहे. या चित्रपटात नवाजुद्दीन सिद्दीकी आणि अवनीत कौर मुख्य भूमिकेत दिसणार आहेत.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha