एक्स्प्लोर

सुपरस्टार रजनीकांत यांचं ट्विटर अकाऊंट हॅक

Written By : एबीपी माझा वेब टीम | Updated at : 04 Aug 2016 07:54 AM (IST)

चेन्नई : दाक्षिणात्य सुपरस्टार रजनीकांत यांचं ट्विटर अकाऊंट हॅक झालं आहे. मात्र काही वेळाने ट्विटर हॅण्डल पुन्हा प्राप्त केल्याची माहिती त्यांची मुलगी ऐश्वर्याने दिली आहे. ऐश्वर्याने ट्वीट केलं होतं की, "सुपरस्टार रजनी अप्पाचं ट्विटर अकाऊंट हॅक झालं होतं. मात्र आता ते पुन्हा मिळवलं आहे. तुम्हा सर्वांचे आभार, आता सगळं ठीक आहे." रजनीकांत यांच्या जवळच्या सुत्रांनी दिलेल्या माहितीनुसार, 65 वर्षीय अभिनेता सुपरस्टार रजनीकांत यांचं अकाऊंट काल हॅक केलं होतं. याबाबत पोलिसांत औपचारिक तक्रार दाखल केलेली नव्हती.

फोटो : केवळ 2 लोक, ज्यांना रजनीकांत फॉलो करतो!

ज्यावेळी रजनीकांत यांचं अकाऊंट हॅक झालं होतं, तेव्हा हॅण्डलवरुन कमल हसन, आमीर खान, शाहरुख खान आणि कबालीचे दिग्दर्शक पा रंजीत यांना फॉलो करण्यात आलं होतं. अकाऊंट रिकव्हर झाल्यानंतर या सर्व सेलिब्रिटींना अनफॉलो केलं. ट्विटरवर 30 लाखांहून अधिक फॅन फॉलोईंग असलेले रजनीकांत 23 जणांना फॉलो करतात. मात्र यामध्ये केवळ सहाच व्यक्ती आहेत. यात सौंदर्या, ऐश्वर्या या दोन मुली, जावई धनुष, संगीतकार ए आर रहमान, खास मित्र अमिताभ बच्चन आणि पंतप्रधान मोदी यांचं समावेश आहे. दरम्यान, रजनीकांत यांचा 'कबाली' सिनेमा नुकताच रिलीज झाला आहे. सिनेमाने जगभरात विक्रमी कमाई केली आहे. संबंधित बातम्या