Sushant Singh Rajput Birthday : बॉलिवूड अभिनेता सुशांत सिंग राजपूतचा (Sushant Singh Rajput) आज वाढदिवस. आता जरी आपल्यात तो नसेल पण त्याच्या आठवणी कधीच विसरता येणार नाहीत. 14 जून रोजी सुशांत सिंह राजपूतचा मृत्यू झाला. सीबीआय सुशांत सिंह राजपूतच्या मृत्यू या प्रकरणाचा तपास करत आहे. आज सुशांतचा वाढदिवस आहे. अशा परिस्थितीत त्यांचे करोडो चाहते त्यांची आठवण काढत आहेत. 21 जानेवारीला पाटणा येथे जन्मलेल्या सुशांतने लहान वयातच मिळवलेली प्रसिद्धी हे प्रत्येकाचे स्वप्न असते. सुशांतच्या मृत्यूनंतर अभिनेत्री रिया चक्रवर्तीच्या (Rhea Chakraborty) नावाची सर्वाधिक चर्चा झाली होती. जाणून घ्या सुशांत आणि रियाची भेट कशी झाली.


रिया चक्रवर्ती आणि सुशांत यांची पहिली भेट 2013 मध्ये यशराज फिल्म्सच्या स्टुडिओमध्ये झाली होती. त्यानंतर सुशांत 'शुद्ध देसी रोमान्स' चित्रपटाचे शूटिंग करत होता. आणि तिथे रिया 'मेरे डॅड की मारुती' या चित्रपटाचे शूटिंग करत होती. शूटिंग दरम्यान दोघांची ओळख झाली. यानंतर दोघेही काही पार्ट्यांमध्ये भेटले आणि नंतर ओळखीचे रुपांतर मैत्रीत झाले. हा तो काळ होता जेव्हा सुशांत अंकिता लोखंडेसोबत रिलेशनशिपमध्ये होता. पण सुशांत आणि रिया यांच्यात मैत्रीची चर्चा व्हायची. दोघेही अनेक कार्यक्रमांमध्ये भेटत असत. 


या काळात सुशांत आणि अंकिताचे नाते जग जाहिर होते. 2016 मध्ये सुशांत अंकिताच्या ब्रेकअपच्या बातम्या येऊ लागल्या होत्या. त्यांचे सात वर्षे जुने नाते संपुष्टात आले. यानंतर सुशांत आणि रिया जवळ आले. दोघांनी 2018 मध्ये एकमेकांना डेट करायला सुरुवात केली आणि 2019 च्या सुरूवातीला लिव्ह इन रिलेशनशिपमध्ये राहायला सुरुवात केली. मात्र, यादरम्यानही दोघेही त्यांच्या नात्याबद्दल उघडपणे समोर आले नव्हते. मात्र, दोघांचे प्रेम सोशल मीडियावर दिसून आले. 


इतर महत्त्वाच्या बातम्या :



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha