Suriya Kanguva: दाक्षिणात्य सुपरस्टार सूर्याच्या वाढदिवसानिमित्त चाहत्यांना खास गिफ्ट; 'कंगुवा' चित्रपटामधील अभिनेत्याची झलक पाहून अंगावर येतील शहारे!
'कांगुवा' (Kanguva) चित्रपटात सुर्याच्या (Suriya) लूकचं नेटकऱ्यांनी कौतुक केलं आहे.
Suriya Kanguva: साऊथ स्टार सुर्याचा (Suriya) आज 48 वा वाढदिवस करत आहे.त्याच्या वाढदिवशी चाहत्यांना एक सरप्राइज देण्यात आलं आहे.सुर्याचा 'कांगुवा'(Kanguva) चित्रपटामधील लूक रिव्हिल करण्यात आला आहे. 'कांगुवा' चित्रपटात सुर्या दोन वेगवेगळ्या व्यक्तिरेखा साकारणार आहे, असं म्हटलं जात आहे. 'कांगुवा' चित्रपटात सुर्याच्या लूकचं नेटकऱ्यांनी कौतुक केलं आहे.
सिरुथाई सिवा दिग्दर्शित कांगुवा हा चित्रपट प्रेक्षकांचे मनोरंजन करण्यासाठी सज्ज झाला आहे. या चित्रपटात 9 व्या शतकापासून 21 व्या शतकापर्यंतची कथा दाखवण्यात येणार आहे, असं म्हटलं जात आहे. या चित्रपटाची निर्मिती स्टुडिओ ग्रीन आणि यूव्ही क्रिएशन्सने केली आहे. या चित्रपटात योगी बाबू, किंग्सले, कोवई सरला, आनंद राज आणि बॉलिवूड अभिनेत्री दिशा पटानी हे कलाकार प्रमुख भूमिका साकारणार आहेत.
நலமா… కుశలమా… ಸೌಖ್ಯವಾ… സുഗമാ… क्या बात हैं… Wassup mate…#GlimpseOfKanguva https://t.co/itW89Vwnb3@directorsiva @ThisIsDSP @StudioGreen2
— Suriya Sivakumar (@Suriya_offl) July 22, 2023
'कंगुवा' या चित्रपटाला देवी श्री प्रसाद यांनी संगीत दिले आहे. हा चित्रपट 3D मध्ये रिलीज होणार आहे आणि 10 वेगवेगळ्या भाषांमधून प्रेक्षकांच्या भेटीस येणार आहे. काही दिवसांपूर्वी सूर्यानं 'कंगुवा' या चित्रपटाचं मोशन पोस्टर सोशल मीडियावर शेअर केलं होतं. या पोस्टला त्यानं कॅप्शन दिलं, 'या पराक्रमी गाथेसाठी शिवा आणि टीमसोबत काम करताना निखळ आनंद होत आहे.'
View this post on Instagram
सूर्यानं 1997 मध्ये 'नेररुक्कू नेर' या चित्रपटातून मोठ्या पडद्यावर पदार्पण केले. त्याने ‘कादल निम्माधी’, ‘कृष्णा’, ‘श्री’, ‘काका काका’, ‘सिंघम’, ‘निनातू यारो’, ‘अंजान’, ‘कल्याणरामन’, ‘24’, ‘जय भीम’, ‘सूरराय पोतरू’ यांसारख्या हिट चित्रपटांमध्ये काम केलं आहे. सूर्या त्याच्या अभिनयानं प्रेक्षकांची मनं जिंकतो. सूर्याच्या आगामी चित्रपटांची प्रेक्षक उत्सुकतेने वाट बघत असतात. आता 'कंगुवा' या चित्रपटामधील सूर्याचा अभिनय पाहण्यासाठी प्रेक्षक उत्सुक आहेत. या चित्रपटाची रिलीज डेट अजून जाहीर करण्यात आलेली नाही. या चित्रपटात दिशा पटानी कोणती भूमिका साकारणार आहे? हे जाणून घेण्यास प्रेक्षक उत्सुक आहेत.
महत्त्वाच्या इतर बातम्या :
महत्त्वाच्या बातम्या
