Sunny Deol : 'Missing You Papa,' सनी देओलच्या 'त्या' पोस्टमुळे चाहते चिंतेत; नेटकरी म्हणाले, 'असं कोण करतं...'
Sunny Shares Emotional Post For Father:सनी देओलने नुकतेच त्याचे काही फोटो शेअर करून वडील धर्मेंद्र यांची आठवण काढली आहे. हे पाहून चाहत्यांना आता अभिनेत्याच्या तब्येतीची काळजी वाटू लागली आहे.
Sunny Deol Shares Emotional Post For Father Dharmendra: सुपरस्टार धर्मेंद्र (Dharmendra) यांचा मुलगा सनी देओल (Sunny Deol) सोशल मीडियावर (Social Media) खूप सक्रिय असतो. सनी देओल सोशल मीडियावर दररोज त्याच्या आयुष्यातील अपडेट्स त्याच्या चाहत्यांसोबत शेअर करत असतो. अलीकडेच त्याने वडील धर्मेंद्र यांचे काही फोटो शेअर केले आणि त्यासोबत 'आय मिस यू पापा' असं कॅप्शन दिलं. या पोस्टवर काहींनी धर्मेंद्र यांच्याविषयी प्रेम व्यक्त केलं. त्याचप्रमाणे काही युजर्सनी धर्मेंद्र यांच्या तब्येतीविषयी चिंता व्यक्त केली आहे.
सनी देओलने त्याच्या इंस्टाग्राम अकाउंटवर धर्मेंद्रचे दोन फोटो शेअर केले आहेत. त्यातील एका फोटोमध्ये धर्मेंद्र खुर्चीवर बसलेले दिसतायत. त्याचप्रमाणे दुसऱ्या फोटोमध्ये धर्मेंद्र भिंतीजवळ उभे राहून पोज देताना दिसत आहेत. या फोटोंमध्ये धर्मेंद्र यांनी शर्टसोबत निळ्या रंगाची जीन्स घातली आहे.
सनी देओलच्या कॅप्शनमुळे चाहते चिंतेत
दरम्यान सनी देओलने हे फोटो शेअर करताना त्यावर पापा मिसिंग यू असं कॅप्शन दिलं. त्याच्या या कॅप्शनमुळे चाहत्यांमध्ये चिंतेंचं वातावरण निर्माण झाल्याचं चित्र पाहायला मिळालं. सनीच्या या पोस्टवर चाहत्यांशिवाय आता अनेक सेलिब्रिटींनीही कमेंट्स केल्या आहेत. त्याचप्रमाणे बहीण ईशा देओल हिनेही त्याच्या पोस्टवर कमेंट करून ब्लॅक हार्ट इमोजीची कमेंट केली आहे. एका युजरने यावर कमेंट करत म्हटलं की, असं कॅप्शन कोण देतं..तुम्ही यावर आय लव्ह यु असं लिहू शकला असता...
'या' चित्रपटात सनी देओल दिसला होता
वर्क फ्रंटबद्दल बोलायचे झाले तर सनी देओल शेवटचा 'गदर 2' चित्रपटात दिसला होता. या सिनेमामध्ये सनी देओल अमिषा पटेलसोबत स्क्रिन शेअर करताना दिसला. या चित्रपटाने बॉक्स ऑफिसवरही खळबळ उडवून दिली आणि कमाईचे अनेक रेकॉर्ड तोडले. धर्मेंद्रही चित्रपटांमध्येही सक्रिय आहेत. धर्मेंद्र हे नुकतचे शाहिद कपूरच्या 'तेरी बातों में ऐसा उल्झा जिया' या सिनेमात दिसले होते.
View this post on Instagram
ही बातमी वाचा :
महत्त्वाच्या बातम्या
