मुंबई: अभिनेता सुशांत सिंह राजपूतचा आज जन्मदिवस आहे. गेल्या वर्षी 14 जून रोजी तो मुंबईतील त्याच्या घरी मृतावस्थेत सापडला होता. त्याने आत्महत्या केली की त्याचा खून करण्यात आला हे अजून उघड झालं नाही. आता या प्रकरणाचा तपास सीबीआयकडे आहे. त्याच्या जन्मदिवशी कंगनाने आपल्या ट्विटर अकाउंटवरुन काही ट्वीट करत त्याच्या मृत्यूची क्रोनोलॉजी समजावण्याचा प्रयत्न केला आहे.
कंगनाने या संबंधी चार गोष्टींकडे सुशांतच्या चाहत्यांचे लक्ष वेधलं आहे. आपल्या ट्वीटमध्ये तिने म्हटलं आहे की, "यशराज फिल्मने सुशातंवर बंदी आणली होती हे आपण विसरायला नको. करण जोहरने त्याला मोठी स्वप्ने दाखवली आणि नंतर त्याचे चित्रपट रीलीज होऊ दिले नाहीत. नंतर करण जोहरने सांगितले की सुशांत एक फ्लॉप अभिनेता होता."
त्यानंतर कंगना म्हणते की, "आपल्या हिंमतीवर अभिनेता बनलेल्या सुशांतने आदित्य चोप्राच्या गटात राहण्यात नकार दिला. त्याच वेळी आदित्य चोप्राने ठरवले होते की सुशांतचे करिअर संपवायचे. करण जोहर आणि आदित्य चोप्राचे नेपोटिजमवरचे प्रेम सर्वांना माहित आहे."
कंगना आपल्या पुढच्या ट्वीटमध्ये म्हणते की, "बॉलिवूडमधील माफिया लोकांनी सुशांतची बलात्कारी आणि ड्रग अॅडिक्ट अशी बदनामी करुन त्याच्याविरोधात मोहिम सुरु केली. त्याचवेळी महेश भट्टने त्याच्या आयुष्यात प्रवेश केला आणि त्याला सांगितले की तो परवीन बाबीच्या मार्गावर चालतोय. भट्ट साहेब, जर सगळेच उदास लोक परवीन बाबीच्या मार्गावर चालू लागले तर तुमची मुलगी शाहीन तर डिप्रेशनची ब्रँन्ड अॅम्बेसिडर असायला हवी."
सुशांत सिंह राजपूत आत्महत्या प्रकरणातील 'मीडिया ट्रायल'वर हायकोर्टाचे ताशेरे
कंगना पुढे म्हणते की, "आता सुशांतचा जन्मदिवस मोठ्या उत्साहात साजरा करणे आवश्यक आहे. तूम्ही चांगले नाही असे कुणालाही सांगू देऊ नका, स्वत:पेक्षा जास्त कुणावरही भरोसा करु नका. जे लोक सांगतात की ड्रग्ज हेच सोल्यूशन आहे त्यांना जवळ करु नका."
Kangana Ranaut | कंगनाची टीकाकारांना धमकी, म्हणाली- लिबरल लोकांचं जीवन जगणं कठीण करेन.