Sharad Ponkshe: 'अत्यंत खडतर परीस्थितीतून,माझं आजारपण,आर्थिक स्थिती बिकट...'; लेकीचं स्वप्न पूर्ण होताच शरद पोंक्षेंनी शेअर केली पोस्ट
नुकतीच शरद पोंक्षे (Sharad Ponkshe) यांनी एक खास पोस्ट सोशल मीडियावर शेअर केली.
Sharad Ponkshe : अभिनेता शरद पोंक्षे (Sharad Ponkshe) हे त्यांच्या अभिनयानं प्रेक्षकांची मनं जिंकतात. ते चित्रपट, मालिका आणि नाटकांमधून प्रेक्षकांच्या भेटीस येत असतात. शरद पोंक्षे सोशल मीडियावर सक्रिय असतात. वेगवेगळ्या घडामोडींवरील तसेच विषयांवरील मतं ते सोशल मीडियावर मांडतात. नुकतीच शरद पोंक्षे यांनी एक खास पोस्ट सोशल मीडियावर शेअर केली. शरद पोंक्षे यांची मुलगी पायलट झाली आहे. त्यानिमित्तानं शरद पोंक्षे यांनी पोस्टच्या माध्यमातून आपल्या मुलीला शुभेच्छा दिल्या आहेत.
शरद पोंक्षे यांची पोस्ट
शरद पोंक्षे यांनी त्यांच्या मुलीचे काही फोटो सोशल मीडियावर शेअर केले. हे फोटो शेअर करुन त्यांनी कॅप्शनमध्ये लिहिलं, 'कु सिध्दी शरद पोंक्षे आज पायलट झाली. ईयत्ता ४ पासून तिने पाहीलेलं स्वप्न पुर्ण झालं. अत्यंत खडतर परीस्थितीतून,माझं आजारपण,कोरोना, लॉकडाऊन, आर्थिक स्थिती बिकट हे सगळे अडथळे पार करत.कोणतीही सवलत,आरक्षण नसताना केवळ मेहनत ,बुध्दीमत्ता ,परिश्रम व निष्ठा ह्या जोरावर ती पायलट झाली.बापाला आणखी काय हव नाही का? आज अभिमान अभिमान फक्त अभिमान वाटतोय तूझा सिध्दी. मोठी हो पुढे देशाची सेवा कर. उत्तम सेवा दे. करशिलच खात्रीच आहे. लव यू बाळा.'
View this post on Instagram
शरद पोंक्षे (Sharad Ponkshe) यांनी स्टार प्रवाहवरील ‘ठिपक्यांची रांगोळी’ या मालिकेत प्रमुख भूमिका साकारली. काही दिवसांपूर्वी त्यांनी ‘ठिपक्यांची रांगोळी’ ही मालिका सोडली. तसेच, त्यांनी ‘उंच माझा झोका’, ‘असे हे कन्यादान’, ‘राधा ही बावरी’ अशा अनेक मालिकांमधून महत्वाच्या भूमिका साकारल्या आहेत. तसेच, 'मी नथुराम गोडसे बोलतोय' या नाटकातील त्यांच्या अभिनयाला प्रेक्षकांची पसंती मिळाली. सध्या शरद पोंक्षे हे 'दार उघड बये' या मालिकेतून प्रेक्षकांच्या भेटीस येत आहेत.या मालिकेत ते रावसाहेब नानासाहेब नगरकर ही भूमिका साकारत आहेत.
View this post on Instagram
महत्वाच्या इतर बातम्या:
महत्त्वाच्या बातम्या
