शाहरूख खानची पुन्हा एकदा ओटीटी प्लॅटफॉर्मवर येण्याची तयारी
सलमान खान आपल्या सिनेमातून ओटीटीवर आला होता. पण शाहरुख खान ओटीटीवर यायची तयारी करतोय पण ती प्रॉडक्शन हाऊसच्या नव्या प्रोजेक्टसह. रेड चिलीज एंटरटेन्मेंटने यापूर्वी ओटीटीवर येणं केलं होतं.
मुंबई : लॉकडाऊननंतर ऑनलाईन विश्व जोरदार गजबजलं. ओटीटी प्लॅटफॉर्म्सना सोन्याचे दिवस आले. लोकांना घरबसल्या ओटीटीने तारलं. पुढे सिनेथिएटर्सची अवस्था पाहता अनेकांनी आपले सिनेमे ओटीटीवर रिलीज करायचे ठरवले. काही रिलीज झाले. पण अपवाद वगळता फार यशस्वी ठरले नाहीत. त्यामुळे पुढे सिनेमे येणंही कमी झालं. पण त्याचवेळी ओटीटीवरच्या वेबसीरिज पुन्हा एकदा येऊ लागल्या. अशात काही दिवसांपूर्वी सलमानचा सिनेमा ओटीटीवर आला. राधे रिलीज झाला. पण सिनेमाने अपेक्षित वाहवा मिळवली नाही. आता सलमान पाठोपाठ शाहरुखही ओटीटीवर यायची तयारी करतोय.
शाहरुख खान हा आपल्या सिनेमांबद्दल कमालीचा व्यावसायिक हिशोब मांडत असतो. सिनेमाची गोष्ट.. त्याला मिळणारा प्रतिसाद हा त्याने मांडलेल्या गणितावर अवलंबून असतो. सलमान, आमीरआणि शाहरूख ही खान मंडळी नेहमी चढाओढीत असतात. सलमान आणि शाहरूख यांच्यातलं अदृश्य वैर आजही लोक विसरलेले नाहीत. पण पुढे त्यांचा समझौता झाला. शाहरूखच्या झीरोमध्ये सल्लू आला. आता सलमानने ओटीटीवर सिनेमा आणल्यानंतर शाहरूख खानही ओटीटीवर येण्यासाठी पुन्हा कंबर कसू लागला आहे. पण इथे जरा फरक आहे.
सलमान आपल्या सिनेमातून ओटीटीवर आला होता. पण शाहरुख खान ओटीटीवर यायची तयारी करतोय पण ती प्रॉडक्शन हाऊसच्या नव्या प्रोजेक्टसह. रेड चिलीज एंटरटेन्मेंटने यापूर्वी ओटीटीवर येणं केलं होतंच. या कंपनीने बार्ड ऑफ ब्लड, क्लास ऑफ 83 या सीरिज दिल्या. पण आता ओटीटीचा प्रतिसाद पाहता शाहरुख खान आपल्या कंपनीद्वारे पुन्हा एकदा ओटीटीवर यायच्या तयारीत आहे. अनेक स्क्रीप्ट्स वाचून काही गोष्टी ठरवल्या जात आहेत. बॉलिवूडमध्ये सुरू असलेल्या चर्चेनुसार या वर्षाच्या अखेरीस शाहरूख काहीतरी मसालेदार ओटीटीवर आणायच्या विचारात आहे.
दरम्यान शाहरूख सध्या पठाण या आपल्या सिनेमाच्या कामातही व्यग्र आहे. या सिनेमात त्याच्यासोबत दीपिका पडुकोणही आहे. हा सिनेमा मात्र थिटएरवर रिलीज करण्याचा विचार तो करतो आहे.
महत्त्वाच्या बातम्या
