Shah Rukh Khan : "माझ्यासोबत सिगरेट ओढायला येणार का?" चाहत्याचा शाहरुखला थेट प्रश्न; किंग खानच्या उत्तरानं वेधलं लक्ष

Shah Rukh Khan : 'आस्क एसआरके' या सेशनच्या माध्यमातून शाहरुखने चाहत्यांसोबत संवाद साधला आहे.

Shah Rukh Khan

Shah Rukh Khan : बॉलिवूडचा बादशाह शाहरुख खानने (Shah Rukh Khan) बॉलिवूडमध्ये 31 वर्ष पूर्ण केली आहेत. 25 जून 1992 रोजी त्याने 'दीवाना' (Deewana) या सिनेमाच्या माध्यमातून मनोरंजनसृष्टीत पदार्पण केलं आहे. 'आस्क एसआरके' (Ask SRK) या सेशनच्या माध्यमातून त्याने चाहत्यांच्या प्रश्नांची मजेशीर अंदाजात उत्तरे दिली आहेत. 

सिगरेट ओढायला येणार का? शाहरुखला चाहत्याची भन्नाट ऑफर

शाहरुखच्या एका चाहत्याने त्याला सिगरेटची ऑफर दिली आहे. त्याने विचारलं की,"माझ्यासोबत सिगरेट ओढायला येणार का?". यावर उत्तर देत किंग खान म्हणाला,"माझ्या वाईट सवई मी एकटाच करतो". शाहरुखच्या या उत्तराने चाहत्यांचं मन जिंकलं आहे. 

Main apni buri aadatein akele hi karta hoon!! https://t.co/POWpR67dzu

— Shah Rukh Khan (@iamsrk) June 25, 2023

शाहरुखच्या चाहत्याने आता 'जवान' सिनेमासंदर्भातदेखील एक ट्वीट केलं आहे. त्याने लिहिलं आहे,"जवान' सिनेमा पाहायला जाताना डोळ्यावर पट्टी बांधून जायचं आहे का? यावर उत्तर देत किंग खानने लिहलं आहे,"जवान पाहायला जाताना तारुण्याच्या जोशात जायचं आहे". एका चाहत्याने लिहिलं आहे,"अमेरिकेत तुझ्या छैया छैया गाण्याच्या माध्यमातून नरेंद्र मोदी यांचं स्वागत केलं आहे. यावर उत्तर देत किंग खानने लिहिलं आहे,"छैया छैया गाण्यावर डान्स करायला मी त्यावेळी तिथे असायला हवा होतो". 

Nahi beta jawan ke din jawani ke josh mein theater pe jaana hai! https://t.co/iMpcKgr4Dp

— Shah Rukh Khan (@iamsrk) June 25, 2023

Wish I was there to dance to it….but they wouldn’t allow a train inside I guess??!!! https://t.co/jjsUexZXCH

— Shah Rukh Khan (@iamsrk) June 25, 2023

शाहरुख खानच्या आगामी सिनेमांबद्दल जाणून घ्या... (Shah Rukh Khan Upcoming Movies)

शाहरुख खानने 'पठाण' (Pathaan) या सिनेमाच्या माध्यमातून चार वर्षांनी सिनेसृष्टीत कमबॅक केलं. त्याच्या या सिनेमाने बॉक्स ऑफिसवर चांगलाच गल्ला जमवला आहे. त्याचा 'जवान' (Jawan) हा सिनेमा आता प्रेक्षकांच्या भेटीसाठी सज्ज आहे. हा सिनेमा 7 सप्टेंबर 2023 रोजी सिनेमागृहात प्रदर्शित होणार आहे. या सिनेमात तो नयनतारा आणि विजय सेतुपतीसोबत झळकणार आहे. तसेच त्यांचा 'डंकी' (Dunky) हा सिनेमादेखील लवकरच प्रेक्षकांच्या भेटीला येणार आहे. या सिनेमाचं दिग्दर्शन राजकुमार हिरानीने (Rajkumar Hirani) केलं आहे. 

संबंधित बातम्या