Shah Rukh Khan : शाहरुख खानचा 58 वा वाढदिवस! चाहत्यांचा जल्लोष ते जंगी बर्थडे सेलिब्रेशन; जाणून घ्या प्रत्येक अपडेट एका क्लिकवर
Shah Rukh Khan Birthday : शाहरुख खानचा आज वाढदिवस असून चाहते यंदाचा बर्थडे त्याच्यासाठी खूपच खास आहे.
Shah Rukh Khan : शाहरुख खानचा (Shah Rukh Khan) आज 58 वा वाढदिवस आहे. यानिमित्तानं जाणून घेऊयात शाहरुखच्या प्रसिद्ध डायलॉग्सबद्दल...
Shah Rukh Khan : शाहरुखसाठी यंदाचा वाढदिवस खूपच खास आहे. त्याचे 'जवान' (Jawan) आणि 'पठाण' (Pathaan) हे दोन्ही सिनेमे बॉक्स ऑफिसवर सुपरहिट ठरले आहेत. पिंकव्हिलाच्या रिपोर्टनुसार, जवान आणि पठाणच्या यशाचं सेलिब्रेशन शाहरुख खान आज करणार आहे. शाहरुखच्या ग्रँड बर्थडे पार्टीत करण जोहर, आलिया भट्ट, दीपिका पादुकोण, राजकुमार हिरानी, एटली हे सेलिब्रिटी हजेरी लावणार आहे. तसेच भाईजान सलमान खानदेखील (Salman Khan) उपस्थित असेल.
Shah Rukh Khan Dunki Teaser Out : बॉलिवूड सुपरस्टार शाहरुख खानचा (Shah Rukh Khan) आज वाढदिवस आहे. किंग खानच्या वाढदिवशी (Shah Rukh Khan) चाहत्यांना मोठी भेट मिळाली आहे. अभिनेत्याच्या आगामी 'डंकी' (Dunki) या सिनेमाचा टीझर आऊट झाला आहे. 'डंकी'चा टीझर चाहत्यांच्या पसंतीस उतरला असून सोशल मीडियावर धुमाकूळ घालत आहे.
Shah Rukh Khan Tweet : शाहरुख खानला सोशल मीडियाच्या माध्यमातून चाहते शुभेच्छांचा वर्षाव करत आहेत. त्यामुळे त्याने ट्वीट करत या सर्व चाहत्यांचे आभार मानले आहेत. त्याने ट्वीट केलं आहे की,"तुमच्यापैकी अनेक मंडळी दरवर्षी रात्री उशिरा येऊन मला वाढदिवसाच्या शुभेच्छा देतात हे अविश्वसनीय आहे. मी फक्त एक अभिनेता आहे. तुमचं मनोरंजन करताना मला खूप आनंद मिळतो. खरंतर तुमच्या या प्रेमाच्या स्वप्नात मी जगतो. मला तुमचं मनोरंजन करण्याची परवानगी दिली त्याबद्दल आभार. सकाळी भेटू ऑनस्क्रीन आणि ऑफस्क्रीन". शाहरुखच्या या ट्वीटनंतर आता त्याच्या आगामी 'डंकी' (Dunky) या सिनेमाचा टीझर येऊ शकतो, असे म्हटले जात आहे.
Shah Rukh Khan : बॉलिवूडचा बादशाह शाहरुख खानचा (Shah Rukh Khan) आज वाढदिवस आहे. शाहरुख आज आपला 58 वा वाढदिवस (Shah Rukh Khan Birthday) साजरा करत आहे. किंग खानला वाढदिवसाच्या शुभेच्छा देण्यासाठी चाहत्यांनी त्याच्या मन्नत (Mannat) बंगल्याबाहेर मोठी गर्दी केली होती. अभिनेत्याने (SRK) या सर्व चाहत्यांचे आभार मानले. मन्नतबाहेर शाहरुखच्या चाहत्यांनी जास्त गर्दी केल्याने पोलिसांना नियंत्रण मिळवण्यासाठी लाठी चार्ज करावा लागला.
Shah Rukh Khan: "हार के जीतने वाले को बाजीगर कहते हैं" असं म्हणत प्रेक्षकांच्या मनावर अधिराज्य गाजवणाऱ्या शाहरुख खानचा (Shah Rukh Khan) आज 58 वा वाढदिवस आहे. शाहरुख हा कधी खलनायक होऊन प्रेक्षकांच्या भेटीस आला तर त्यानं कधी चॉकलेट बॉय होऊन प्रेक्षकांचे मनोरंजन केले. शाहरुखचा चित्रपटामधील प्रत्येक अंदाज प्रेक्षकांच्या पसंतीस पडला. सध्या एका चित्रपटात काम करण्यासाठी कोट्यवधींचे मानधन घेण्याऱ्या शाहरुखची पहिली कमाई किती होती? याबाबत जाणून घेऊयात...
Shah Rukh Khan: खऱ्या आयुष्याच्या संघर्षातही शाहरुखच 'बाजीगर'; एका चित्रपटासाठी कोट्यवधी घेणाऱ्या किंग खानची पहिली कमाई माहितीये?
Shah Rukh Khan Jawan OTT Release : बॉलिवूड अभिनेता शाहरुख खान (Shah Rukh Khan) आज आपला 58 वा वाढदिवस साजरा करत आहे. शाहरुखला वाढदिवसाच्या शुभेच्छा देण्यासाठी चाहत्यांनी मध्यरात्री त्याच्या मन्नत बंगल्याबाहेर गर्दी केली होती. आता अभिनेत्यानेही चाहत्यांना वाढदिवशी मनोरंजनाची 'ट्रीट' दिली आहे. 'जवान' ओटीटीवर रिलीज झाला आहे.
पार्श्वभूमी
Shah Rukh Khan : "हार के जीतने वाले को बाजीगर कहते हैं" असं म्हणत प्रेक्षकांच्या मनावर अधिराज्य गाजवणाऱ्या शाहरुख खानचा (Shah Rukh Khan) आज 58 वा वाढदिवस आहे. शाहरुख हा कधी खलनायक होऊन प्रेक्षकांच्या भेटीस आला तर त्यानं कधी चॉकलेट बॉय होऊन प्रेक्षकांचे मनोरंजन केले. शाहरुखचा चित्रपटामधील प्रत्येक अंदाज प्रेक्षकांच्या पसंतीस पडला. सध्या एका चित्रपटात काम करण्यासाठी कोट्यवधींचे मानधन घेण्याऱ्या शाहरुखची पहिली कमाई किती होती? याबाबत जाणून घेऊयात...
किंग खानची पहिली कमाई
शाहरुखनं 'सर्कस' आणि 'फौजी' या छोट्या पडद्यावरील मालिकांमध्ये काम केलं .त्यानंतर 1992 मध्ये त्याचा पहिला चित्रपट 'दीवाना' रिलीज झाला. आज एका चित्रपटासाठी करोडो रुपये घेणाऱ्या शाहरुख खानची पहिली फी 50 रुपये होती. एका रिपोर्टनुसार, चित्रपटांमध्ये काम करण्यापूर्वी शाहरुख खानने पंकज उधासच्या संगीत शोमध्ये हेल्पर म्हणून काम केले होते. या कामाचा त्याला पहिला पगार म्हणून 50 रुपये मिळाले.
बॅक टू बॅक हिट चित्रपट
शाहरुख खानच्या 'दीवाना' या चित्रपटाव्यतिरिक्त 'चमटकर', 'राजू बन गया जेंटलमन' आणि 'दिल आशना है' सारखे चित्रपट 1992 मध्ये रिलीज झाले होते. या चित्रपटानंतर शाहरुखला हळूहळू लोकप्रियता मिळू लागली.शाहरुख खानचा 1993 मध्ये 'बाजीगर' चित्रपट रिलीज झाला, जो बॉक्स ऑफिसवर सुपरहिट ठरला. Sacnilk च्या रिपोर्टनुसार, शाहरुखचा 'बाजीगर' या चित्रपटाची निर्मिती 2 कोटींच्या बजेटमध्ये झाली होती.
'डर' या चित्रपटात शाहरुखनं साकारलेल्या खलनायकाच्या भूमिकेनं प्रेक्षकांची मनं जिंकली. करण अर्जुन, दिलवाले दुल्हनिया ले जाएंगे, यस बॉस, दिल तो पागल है, मोहब्बतें, कभी खुशी कभी गम, देवदास, डॉन, चक दे इंडिया यांसारख्या हिट चित्रपटांमध्ये शाहरुखनं काम केलं.
फिनिक्स पक्षाप्रमाणे घेतली भरारी
2016 मध्ये शाहरुख खानचा 'फॅन' चित्रपट रिलीज झाला होता. हा सिनेमा फ्लॉप ठरला. किंग खानचे 'रईस' आणि 'डियर जिंदगी' हे चित्रपट देखील बॉक्स ऑफिसवर सेमी हिट ठरले. त्यानंतर 2018 मध्ये शाहरुखचा झिरो चित्रपट रिलीज झाला. हा चित्रपट बॉक्स ऑफिसवर जोरदार आपटला. पण शाहरुखनं हार मानली नाही. शाहरुखनं रुपेरी पडद्यावर दमदार पुनरागमन केलं. शाहरुख खानचा 'पठाण' हा चित्रपट जानेवारी 2023 मध्ये रिलीज झाला. या चित्रपटानं बॉक्स ऑफिसवर धुमाकूळ घातला. तसेच सप्टेंबर महिन्यात रिलीज झालेल्या शाहरुखच्या जवान या चित्रपटानं देखील बॉक्स ऑफिसवर रेकॉर्ड ब्रेक कमाई केली.
शाहरुखचा आगामी चित्रपट
शाहरुखच्या डंकी या आगामी चित्रपटाची प्रेक्षक उत्सुकतेने वाट बघत आहेत. 22 डिसेंबर 2023 रोजी प्रेक्षकांच्या भेटीस येणार आहे. डंकी या चित्रपटाचे दिग्दर्शन राजकुमार हिरानी यांनी केलं आहे.
- - - - - - - - - Advertisement - - - - - - - - -