Sayali Sanjeev : सायली संजीवला पितृशोक, भावनिक पोस्ट शेअर करत दिली माहिती

Sayali Sanjeev : मराठमोळी अभिनेत्री सायली संजीवच्या वडिलांचे निधन झाले आहे. त्यासंदर्भात तिने एक भावनिक पोस्ट लिहिली आहे.

Sayali Sanjeev : मराठमोळी अभिनेत्री सायली संजीवच्या (Sayali Sanjeev) वडिलांचे निधन झाले आहे. वडिलांच्या निधनाची बातमी सायलीने स्वत: सोशल मीडियाच्या माध्यमातून दिली आहे. वडिलांबद्दल सायलीने सोशल मीडियावर भावनिक पोस्ट लिहिली आहे. सायलीचा 'झिम्मा' सिनेमा सध्या सोशल मीडियावर धुमाकूळ घालतो आहे.  

सायलीने सोशल मीडियावर भावनिक पोस्ट लिहिली आहे. त्यात लिहिले आहे,"26/07/1958 - 30/11/2021 तुला माहित आहे नं बाबा माझं तुझ्यावर सगळ्यात जास्त प्रेम होतं, आहे आणि कायम असेल. या जगात सगळ्यात जास्त तू आयुष्य आहेस माझं". सायलीने पुढे व्हेंटिलेटर सिनेमातील गाण्याच्या ओळी लिहिल्या आहेत. "दैव होता तू, देव होता तू, खेळण्यातला माझा खेळ होता तू, शहाणी होते मी, वेडा होता तू, माझ्यासाठी कारे सारा खर्च केला तू, आज तू फेडूदे पांग हे मला, जगण्या रे मला अजूनही तूच हवा, या ओळी शेअर करत तिने पुढे लिहिले आहे, बाबा, थांब ना रे तू, बाबा, जाऊ नको दूर".

सायलीच्या 'शुभमंगल ऑनलाईन' आणि 'काहे दिया परदेस' या मालिकांना प्रेक्षकांची पसंती मिळाली होती. सायलीने 'बस्ता', 'मन फकिरा' आणि 'सातारचा सलमान' या चित्रपटांमध्ये काम केले आहे. सायलीच्या 'झिम्मा' सिनेमाचे सिनेसृष्टीसह प्रेक्षकदेखील कौतुक करत आहेत. सायलीची 'यू टर्न' ही वेबसीरिज प्रचंड गाजली होती. सायली संजीव आणि ओमप्रकाश शिंदेची या वेबसीरिजमध्ये मुख्य भूमिका होती. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha