Marathi movie Jhimma : झिम्मा( Jhimma) या मराठी चित्रपटाने बॉक्स ऑफिसवर दोन आठवड्यांमध्ये सहा कोटींची कमाई केली आहे. हा चित्रपट सुपरहिट ठरला असून दोन आठवडे या चित्रपटाचे शो ‘हाऊसफुल्ल' ठरले. झिम्मा'चे पहिल्या आठवड्यात 325 शो प्रदर्शित करण्यात आले, त्यानंतर दुसऱ्या आठवड्यात 700 पेक्षा जास्त म्हणजेच दुपटीहून अधिक शो प्रदर्शित करण्यात आले.
लॉकडाऊननंतर सुपरहिट ठरलेला 'झिम्मा' हा पहिला मराठी चित्रपट आहे. चित्रपटाचे छायाचित्रण, पटकथा, संवाद, दिग्दर्शन, अभिनय या सगळ्याच गोष्टी उत्तम जमून आल्याने प्रेक्षकांनी या चित्रपटाला पसंती दिली. विशेष म्हणजे 'चलचित्र कंपनी' प्रस्तुत 'अमेय विनोद खोपकर एंटरटेनमेंट' आणि 'क्रेझी फ्यू फिल्म्स' निर्मित 'झिम्मा' चित्रपटाचे प्रेक्षकांकडून प्रचंड कौतुक होत आहे.
सिद्धार्थ चांदेकर, निर्मिती सावंत, सुहास जोशी, सुचित्रा बांदेकर, क्षिती जोग, सोनाली, सायली संजीव, मृण्मयी गोडबोले या कलाकारांनी झिम्मा या चित्रपटामध्ये प्रमुख भूमिका साकारल्या आहेत. या चित्रपटाचे लेखन इरावती कर्णिक यांनी केले असून हेमंत ढोमे दिग्दर्शित या चित्रपटाचे छायाचित्रीकरण संजय मेमाणे यांनी केले आहे. क्षिती जोग यांच्यासोबत स्वाती खोपकर, अजिंक्य ढमाळ, विराज गवस, उर्फी काझमी, सनी शाह हे या चित्रपटाचे निर्माता आहेत.
संबंधित बातम्या
Gadar 2 : तारा सिंह आणि सकिनाची जोडी पुन्हा येतेय, शूटिंगचे फोटो व्हायरल