Sara Ali Khan: सारा अली खानने रिक्षाने केला प्रवास; व्हिडीओ व्हायरल, नेटकरी म्हणाले, 'रिक्षावाल्याला पैसे...'
सारानं (Sara Ali Khan) रिक्षामधून प्रवास केला आहे. साराचे व्हिडीओ सोशल मीडियावर व्हायरल झाले आहेत.
Sara Ali Khan: अभिनेत्री सारा अली खान (Sara Ali Khan) ही सध्या तिच्या 'जरा हटके जरा बचके' (Zara Hatke Zara Bachke) या चित्रपटाच्या प्रमोशनमध्ये व्यस्त आहे. या चित्रपटामध्ये सारा आणि विकी कौशल (Vicky Kaushal) यांनी प्रमुख भूमिका साकारली आहे. 'जरा हटके जरा बचके' या चित्रपटात सारा आणि विकीची जोडी पाहण्यास प्रेक्षक उत्सुक आहेत. नुकताच या चित्रपटाचा ट्रेलर रिलीज झाला आहे. या ट्रेलरला प्रेक्षकांची पसंती मिळाली. बुधवारी (24 मे) रात्री विकी आणि सारा हे मुंबईत या चित्रपटाचे प्रमोशन करत होते. प्रमोशननंतर घरी परतण्याची वेळ आली तेव्हा साराची कार कार्यक्रमाच्या ठिकाणी आली नाही. त्यामुळे सारानं रिक्षामधून प्रवास केला. सोशल मीडियावर व्हायरल झालेल्या व्हिडीओमध्ये सारा ही रिक्षानं प्रवास करताना दिसत आहे.
सोशल मीडियावर व्हायरल व्हिडीओमध्ये दिसत आहे की, सारा ही रिक्षाने प्रवास करत आहे. यावेळी सारा म्हणते, 'माझी गाडी आली नाही' रिक्षामधून प्रवास केल्यानंतर सारा म्हणाली, मी अनेकदा रिक्षाने प्रवास केला आहे.
नेटकऱ्यांच्या कमेंट्स
साराच्या व्हायरल व्हिडीओला अनेक नेटकऱ्यांनी कमेंट्स केल्या आहे. एका नेटकऱ्यानं कमेंट केली, 'रिक्षावाल्याला पैसे कोण देणार?' तर दुसऱ्या युझरनं कमेंट केली, 'रिक्षा वाल्याला ना पैसे दिले ना त्याला सेल्फी काढू दिली.'
View this post on Instagram
'जरा हटके जरा बचके' कधी होणार रिलीज?
'जरा हटके जरा बचके' हा विकी आणि साराचा चित्रपट 2 जून रोजी प्रेक्षकांच्या भेटीस येणार आहे. विकी आणि सारासोबतच या चित्रपटात राकेश बेदी, शारीब हाश्मी, नीरज सूद हे कलाकार देखील प्रमुख भूमिका साकारणार आहेत. या चित्रपटाची प्रेक्षक उत्सुकतेने वाट बघत आहेत.
साराच्या लव्ह आजकल, कुली नंबर 1, गॅसलाइट या चित्रपटांना प्रेक्षकांची पसंती मिळाली नाही. आता 'जरा हटके जरा बचके' हा चित्रपट बॉक्स ऑफिसवर धुमाकूळ घालेल का या प्रश्नाचं उत्तर लवकरच प्रेक्षकांना मिळेल.
इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
