Salaman Khan : बॉलिवूड सिनेसृष्टीतील अनेक कलाकार दररोज कुठे ना कुठे गुंतवणूक करतात किंवा एखादी गोष्ट खरेदी करतात. बॉलिवूडचा भाईजान सलमान खानदेखील (Salman Khan) यात आघाडीवर आहे. सलमान आता मुंबईतील वांद्रे येथील कार्टर रोडवर 19 मजली हॉटेल बांधणार आहे. भाईजानच्या या 19 मजली हॉटेलबद्दल चाहत्यांना उत्सुकता आहे.
मीडिया रिपोर्टनुसार, सलमान खान कार्टर रोडवरील सी-फेसिंग प्लॉटवर हॉटेल बांधण्याचा विचार करत आहे. बीएमसीने त्याच्या या हॉटेलच्या आराखड्याला मंजुरी दिल्याचंही अहवालात नमूद करण्यात आलं आहे. सलमानचं हे 19 मजली हॉटेल असणार आहे.
सलमान खानच्या 19 मजली हॉटेलची उंची 69.9 मीटर असेल. बीएमसीकडे सादर केलेल्या प्रस्तावानुसार तीन स्तरांचे तळघर, पहिला आणि दुसरा मजला कॅफे आणि रेस्टॉरंटसाठी, तिसरा मजला जिम आणि जलतरण तलावासाठी तर चौथा मजला सर्व्हिस फ्लोअरसाठी तर पाचवा आणि सहावा मजला कन्व्हेन्शन सेंटरसाठी असेल. तसेच सात ते 19 मजल्यापर्यंतचे मजले हॉटेल वापरासाठी असतील.
सलमान खान आधी मास्टर ब्लास्टर सचिन तेंडुलकरनेदेखील हॉलेल व्यवसायात पैसे गुंतवले होते. त्याने तेंडुलकर रेस्टॉरंट सुरू केलं होतं. त्याआधीपासून अभिनेता सुनील शेट्टी या व्यवसायत आहे. आता सलमान खान हॉटेल व्यवसायात उतरत आहे.
सलमान खानला दुखापत
सलमान खानने सोशल मीडियाच्या माध्यमातून चाहत्यांना गंभीर दुखापतीबाबत माहिती दिली आहे. 'टायगर 3'च्या सेटर भाईजानला गंभीर दुखापत झाली आहे. त्याने सोशल मीडियावर पाठमोरा फोटो शेअर करत यासंदर्भात माहिती दिली आहे. या फोटोमध्ये त्याच्या पाठीवर पट्टी बांधलेली दिसत आहे. सलमानला नेमकी कशामुळे दुखापत झाली हे अद्याप स्पष्ट झालेलं नाही.
सलमानचा 'किसी का भाई किसी की जान' हा सिनेमा गेल्या काही दिवसांपूर्वी प्रेक्षकांच्या भेटीस आला. या सिनेमाला प्रेक्षकांची पसंती मिळाली. 'किसी का भाई किसी की जान' हा सिनेमा 100 कोटींच्या क्लबमध्ये सामील झाला. या सिनेमातील 'छोटू मोटू' ,'येंतम्मा', 'नय्यो लगदा', 'बिल्ली बिल्ली', 'बथुकम्मा' आणि 'जी रहे थे हम' या गाण्यांना प्रेक्षकांची पसंती मिळाली आहे. आता सलमानच्या आगामी चित्रपटांची प्रेक्षक उत्सुकतेने वाट बघत आहेत.
सलमान खानचे 'किक 2', 'टायगर 3' हे चित्रपट लवकरच प्रेक्षकांच्या भेटीस येणार आहेत. सलमानच्या आगामी चित्रपटांची प्रेक्षक उत्सुकतेने वाट बघत आहेत.
संबंधित बातम्या