(Source: ECI/ABP News/ABP Majha)
Critics Choice Awards 2023: आरआरआरच्या यशाची घोडदौड सुरुच; क्रिटिक्स चॉइस अवॉर्ड्समध्ये मिळाली 5 नामांकने
आरआरआरने प्रतिष्ठित क्रिटिक्स चॉइस अवॉर्ड्स 2023 (Critics Choice Awards 2023) मध्ये पाच नामांकने मिळवून आणखी एक मोठी कामगिरी केली आहे.
Critics Choice Awards 2023: आरआरआर या चित्रपटानं प्रेक्षकांची मनं जिंकली. या चित्रपटाला अनेक पुरस्कारांनी गौरवलं जात आहे. आरआरआर (RRR) या चित्रपटाला गोल्डन ग्लोब 2023 पुरस्कारासाठी दोन नामांकन मिळाले आहेत. दरम्यान, आरआरआरने प्रतिष्ठित क्रिटिक्स चॉइस अवॉर्ड्स 2023 मध्ये पाच नामांकने मिळवून आणखी एक मोठी कामगिरी केली आहे. निर्मात्यांनी चित्रपटाच्या अधिकृत इंस्टाग्राम अकाऊंटवरुन याबाबत माहिती दिली.
RRR ला क्रिटिक्स चॉईस अवॉर्ड्स 2023 मध्ये मिळाली 5 नामांकने
राम चरण आणि ज्युनियर एनटीआर यांच्या दमदार अभिनयाने सजलेल्या आरआरआर चित्रपटाला क्रिटिक्स चॉईस अवॉर्ड्स 2023 मध्ये 5 नामांकने मिळाली आहेत. पाहा यादी-
1. बेस्ट पिक्चर
2. बेस्ट डायरेक्टर (एसएस राजामौली)
3. बेस्ट फॉरेन लैंग्वेज फिल्म
4.बेस्ट विजुअल इफेक्ट
5. बेस्ट सॉन्ग (नाटु नाटु)
सोशल मीडिया पोस्ट
आरआरआर या चित्रपटाच्या सोशल मीडिया पोस्टद्वारे क्रिटिक्स चॉइस अवॉर्ड्सबाबत पोस्ट करण्यात आली आहे. या पोस्टमध्ये लिहिलं आहे. 'आणखी एक दिवस, RRR साठी आणखी एक मैलाचा दगड.. प्रतिष्ठित क्रिटिक्स चॉइस अवॉर्ड्सच्या 5 श्रेणींमध्ये आरआरआर चित्रपटाला नामांकनं मिळाली आहेत.
View this post on Instagram
राम चरण आणि ज्युनियर एनटीआर अभिनीत हा चित्रपट मार्चमध्ये तेलुगू, तमिळ, कन्नड, मल्याळम आणि हिंदीमध्ये जगभरात प्रदर्शित झाला. या चित्रपटानं बॉक्स ऑफिसवर धुमाकूळ घातला होता. या चित्रपटात आलिया भट्ट आणि अजय देवगण यांच्याही महत्त्वाच्या भूमिका आहेत. या चित्रपटाचं दिग्दर्शन एसएस राजामौली यांनी केलं आहे.
वाचा इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
