रॉजर फेडररचा पराभव, विराट-अनुष्का ट्रोल

ऑस्ट्रेलियन ओपनमधील रॉजर फेडररच्या पराभवामुळे भारतीय क्रिकेट संघाचा कर्णधार विराट कोहली आणि त्याची पत्नी अभिनेत्री अनुष्का शर्मा ट्रोल होत आहेत.

मेलबर्न : ऑस्ट्रेलियन ओपनच्या उपांत्यपूर्व फेरीत टेनिसमधल्या जगज्जेत्या रॉजर फेडररला एका 20 वर्षाच्या टेनिसपटूने पराभूत केले आहे. ग्रीसचा युवा टेनिसपटू स्टेफानोस सिटसिपास याने फेडररला पराभूत करत इतिहास रचला. परंतु रॉजरच्या या पराभवामुळे भारतीय क्रिकेट संघाचा कर्णधार विराट कोहली आणि त्याची पत्नी अभिनेत्री अनुष्का शर्मा ट्रोल होत आहेत. क्रिकेटर्सचे आणि बॉलिवूड सेलिब्रेटींचे मोठ्या प्रमाणात चाहते असतात. त्याचबरोबर त्यांचे हेटर्सही (निंदक) असतात. हेटर्स अनेकदा सेलिब्रेटींना ट्रोल करण्याची संधी शोधत असतात. त्यात हल्ली सोशल मीडियावर मिम्सचा जमाना आहे. मिम्सच्या माध्यमातून मोठ्या प्रमाणात ट्रोल केले जाते. ऑस्ट्रेलिया दौऱ्यावर असलेल्या विराट कोहली आणि अभिनेत्री अनुष्का शर्माने शनिवारी ऑस्ट्रेलियन ओपनचे सामने पाहण्याचा आनंद लुटला. यावेळी विरुष्काने जगज्जेत्या रॉजर फेडररची भेट घेतली. त्यानंतर त्याच्यासोबत फोटोदेखील काढले. हे फोटो दोघांनी सोशल मीडियावर शेअरदेखील केले. विराट आणि अनुष्काचे हेटर्स (निंदक), ट्रोलर्स या दोघांना सोशल मीडियावर नेहमी 'पनौती' म्हणून ट्रोल करण्याचा प्रयत्न करत असतात. काल विरुष्काने फेडररची भेट घेतली. आणि त्यानंतर आज फेडररचा ऑस्ट्रेलियन ओपनच्या उपांत्यपूर्व फेरीत पराभव झाला. या दोन घटना लागोपाठ घडल्यामुळे विरुष्काला ट्रोल करण्याची आयती संधी ट्रोलर्सकडे चालून आली. ट्रोलर्सनी या संधीचा फायदा घेत विरुष्काला ट्रोल करणारे मिम्स शेअर करण्यास सुरुवात केली आहे. विराट आणि अनुष्का हे दोघे 'पनौती' आहेत. या दोघांनी फेडररची भेट घेतली म्हणूनच फेडरर आज पराभूत झाला. असे म्हणून सोशल मीडियावर विरुष्काला ट्रोल केले जात आहे. दरम्यान, ऑस्ट्रेलियन ओपनमधील उपांत्यपूर्व फेरीत स्टेफानोसने फेडररला 6-7, 7-6, 7-5, 7-6 असे पराभूत केले आहे. या पराभवामुळे फेडररचे ऑस्ट्रेलियन ओपनमधले आव्हान संपुष्टात आले आहे.

We all know why @rogerfederer is trailing in @AustralianOpen ????????????#AusOpen #RogerFederer #ViratKohli #Panauti pic.twitter.com/cCUqX4zMq8

— Uday Jumle (@Uddayyy_RJ) January 20, 2019

2015: Virat met Federer and Federer lost in the 3rd round of Australian Open

2019: Virat met Federer and Federer lost in the 4th round of Australian Open. VIRAT PANAUTI HAI ????#ViratKohli #AustralianOpen #rogerfederer #ausopen pic.twitter.com/CqMMJi3kFh — Shubhangi (@alivingmeme_) January 20, 2019

My hatred towards Kohli is increasing day by day. Yesterday Virushka took photograph with @rogerfederer and today Federer lost the match.@imVkohli -The brand ambassador of bad luck..#AustralianOpen2019 #Federer #Kohli #Virushka #FedererTsitsipas #ViratKohli pic.twitter.com/TIM1wEeo30

— Anand Kumar V (@vakeel_anand) January 20, 2019

संबधित बातमी : ऑस्ट्रेलियन ओपन : 20 वर्षाच्या टेनिसपटूकडून रॉजर फेडरर पराभूत