Jayeshbhai Jordaar Poster : बॉलिवूड अभिनेता रणवीर सिंह (Ranveer Singh) सध्या त्याच्या आगामी 'जयेशभाई जोरदार' (Jayeshbhai Jordaar) हा सिनेमुळे चर्चेत आहे. 19 एप्रिलला या सिनेमाचा ट्रेलर आऊट होणार आहे. रणवीरने नुकतेच 'जयेशभाई जोरदार' सिनेमाचे नवीन पोस्टर शेअर केले आहे. या पोस्टरमुळे चाहत्यांची उत्सुकता वाढली आहे.
पोस्टरमध्ये रणवीरच्या हातात एका बाळाची प्रतिमा दिसत आहे. तसेच पोस्टरवर लिहिले आहे, जयेशभाईंना मुलगा होणार की मुलगी? पोस्टर शेअर करत रणवीरने चाहत्यांना विचारलं आहे, तुम्हाला काय वाटतं. रणवीरच्या या पोस्टवर चाहते कमेंट्सचा वर्षाव करत आहेत.
'जयेशभाई जोरदार' या सिनेमाचे शूटिंग फेब्रुवारी 2020 मध्येच पूर्ण झाले आहे. पण कोरोना महामारीमुळे सिनेमाची रिलीज डेट पुढे ढकलण्यात आली. आता हा सिनेमा 13 मे 2022 रोजी प्रदर्शित होणार आहे. 'नाम है जयेश और काम है जोरदार ' असं म्हणत रणवीरने या सिनेमाची रिलीज डेट जाहीर केली होती.
संबंधित बातम्या