Ranbir Alia: आलिया भट्टशी लग्न करण्यापूर्वीच झाली होती ‘ज्युनिअर कपूर’ची प्लॅनिंग! रणबीर कपूरने केला उलगडा...

Ranbir Kapoor, Alia Bhatt : सध्या बॉलिवूडची लोकप्रिय स्टार जोडी अर्थात अभिनेता रणबीर कपूर (Ranbir Kapoor) आणि अभिनेत्री आलिया भट्ट (Alia Bhatt) प्रचंड चर्चेत आहेत.

Ranbir Kapoor, Alia Bhatt

Ranbir Kapoor, Alia Bhatt : सध्या बॉलिवूडची लोकप्रिय स्टार जोडी अर्थात अभिनेता रणबीर कपूर (Ranbir Kapoor) आणि अभिनेत्री आलिया भट्ट (Alia Bhatt) प्रचंड चर्चेत आहेत. या जोडीचा बहुप्रतीक्षित ‘ब्रह्मास्त्र’ (Brahmastra) हा चित्रपट लवकरच प्रेक्षकांच्या भेटीला येणार आहे. तर, रणबीर कपूरचा ‘शमशेरा’ (Shamshera) चित्रपट देखील प्रदर्शनासाठी सज्ज झाला आहे. इतकचं नाही तर, रणबीर कपूर आणि आलिया भट्ट लवकरच आई-बाबा होणार आहेत. बाळाच्या आगमनाच्या आनंदामुळे ते आणखीन चर्चेत आले आहेत. लग्नाच्या अवघ्या 2-3 महिन्यांतच त्यांनी चाहत्यांना ही आनंदाची बातमी दिली आहे.

मात्र, आम्ही लग्नाआधीच आमच्या बाळासाठी प्लॅनिंग केले होते, याचा खुलासा खुद्द रणबीर कपूरने नुकत्याच दिलेल्या एका मुलाखतीत केला होता.

आधीच केली होती बाळाची प्लॅनिंग!

सध्या रणबीर कपूर त्याच्या आगामी ‘शमशेरा’ या चित्रपटाच्या प्रमोशनमध्ये व्यस्त आहे. या दरम्यान तो माध्यमांना अनेक मुलाखती देत आहे. अशाच एका मुलाखती दरम्यान रणबीरने त्याच्या आणि आलियाच्या लग्नाविषयी आणि बाळाविषयी अनेक खुलासे केले आहेत. एका मुलाखती दरम्यान रणबीर कपूरला बाळासंदर्भात प्रश्न विचरण्यात आला होता. यावर रणबीरनेही बेधडक उत्तर दिले आहे. रणबीर म्हणाला, ‘मी आणि आलियाने लग्नापूर्वीच बाळाची प्लॅनिंग करण्यास सुरुवात केली होती. जेव्हा एखादा व्यक्ती चाळीशीच्या आसपास पोहचू लागतो, तेव्हा त्याला आपल्या जवळच्या माणसाची गरज असते. अशावेळी आपल्या स्वतःच्या मुलांशिवाय दुसरा उत्तम पर्याय नाही.’

लवकरच चित्रपटातून येणार प्रेक्षकांच्या भेटीला

आलिया भट्ट आणि रणबीर कपूर 14 एप्रिल 2022 रोजी लग्नबंधनात अडकले. मोजक्या पाहूण्यांच्या उपस्थितीत त्यांचा लग्नसोहळा पार पडला. आलिया-रणबीरच्या लग्नसोहळ्यातील फोटो चाहत्यांच्या पसंतीस उतरले आहेत. ‘ब्रह्मास्त्र’ या चित्रपटाच्या सेटवर आलिया आणि रणबीरच्या मैत्रीचे रुपांतर प्रेमात झाले. त्यानंतर दोघांनी लग्न करण्याचा निर्णय घेतला. रणबीर आणि आलियाचा ‘ब्रह्मास्त्र’ हा चित्रपट लवकरच प्रेक्षकांच्या भेटीस येणार आहे. या चित्रपटाच्या ट्रेलरला प्रेक्षकांची पसंती मिळाली. रणबीर कपूर आणि आलिया भट्ट यांच्यासोबतच अभिनेते अमिताभ बच्‍चन, नागार्जुन, मौनी रॉय हे कलाकार देखील ‘ब्रह्मास्त्र’ या चित्रपटामध्ये प्रमूख भूमिका साकारणार आहेत.

संबंधित बातम्या