Animal Showcased At Burj Khalifa : बॉलिवूड अभिनेता रणबीर कपूर (Ranbir Kapoor) आणि रश्मिका मंदाना (Rashmika Mandanna) यांचा 'अॅनिमल' (Animal) हा सिनेमा सध्या चर्चेत आहे. या सिनेमाचा टीझर आणि एक गाणं प्रेक्षकांच्या भेटीला आलं असून ते आता सिनेमांची प्रतीक्षा करत आहेत. आता शाहरुख खानच्या (Shah Rukh Khan) पावलावर रणबीरनेही पाऊल ठेवलं आहे. रणबीर-रश्मिकाच्या 'अॅनिमल'ची झलक बुर्ज खलिफावर दिसणार आहे.
रणबीर कपूर आणि रश्मिका मंदानाचा 'अॅनिमल' हा सिनेमा 1 डिसेंबर 2023 रोजी सिनेमागृहात प्रदर्शित होणार आहे. या सिनेमाची प्रेक्षकांना उत्सुकता आहे. मीडिया रिपोर्टनुसार, रणबीर कपूरच्या 'अॅनिमल' या सिनेमातील काही व्हिडीओ बुर्ज खलिफावर दाखवले जाणार आहेत.
बुर्ज खलिफावर दिसणार 'अॅनिमल'ची झलक
पिंकव्हिलाच्या रिपोर्टनुसार, रणबीर कपूर आणि रश्मिका मंदाना यांच्या 'अॅनिमल' या सिनेमाचा 60 सेकंदाचा एक खास व्हिडीओ बुर्ज खलिफावर दाखवला जाणार आहे. यावेळी रणबीर कपूर आणि सिनेमात खलनायकाची भूमिका साकारणारा बॉबी देओलदेखील (Bobby Deol) उपस्थित असणार आहे.
'अॅनिमल' हा सिनेमा सुपरहिट व्हावा यासाठी निर्माते वेगवेगळे प्रयत्न करत आहेत. शाहरुखच्या सिनेमांची झलक बुर्ज खलिफावर दाखवण्यात आली आहे. आता रणबीरने शाहरुखच्या पावलावर पाऊल ठेवलं आहे. त्यामुळे आता शाहरुखच्या सिनेमांप्रमाणे रणबीरचा सिनेमाही बॉक्स ऑफिस गाजवणार का याकडे सर्वांचं लक्ष लागलं आहे.
'अॅनिमल' या सिनेमाच्या दिग्दर्शनाची धुरा संदीप वांगा रेड्डीने सांभाळली आहे. या सिनेमात रणबीर कपूर आणि रश्मिका मंदाना मुख्य भूमिकेत आहेत. तर बॉबी देओल, अनिल कपूर आणि तृप्ती डिमरी हे कलाकारही या सिनेमात महत्त्वाच्या भूमिकेत आहेत. गँगस्टर कुटुंबियाची गोष्ट या सिनेमात दाखवण्यात आली आहे. या सिनेमात रणबीरच्या वडिलांच्या भूमिकेत अनिल कपूर दिसणार आहेत.
विकी कौशल अन् रणबीर कपूर आमने-सामने
विकी कौशल आणि रणबीर कपूर बॉक्स ऑफिसवर आमने-सामने येणार आहे. विकी कौशलचा बहुचर्चित 'सॅम बहादूर' हा सिनेमाही 1 डिसेंबर 2023 रोजी प्रदर्शित करण्यात येणार आहे. दोघांचाही मोठा चाहतावर्ग असून दोन्ही सिनेमांसाठी प्रेक्षक उत्सुक आहेत. आता कमाईत कोण बाजी मारणार हे पाहावं लागेल.
संबंधित बातम्या