Rakul Preet Singh Jackky Bhagnani : रकुल-जॅकीला मिळाला प्रभू श्रीरामाचा आशिर्वाद; अयोध्येवरून आली खास भेट
Rakul Preet Singh Jackky Bhagnani : रकुलप्रीत सिंहने तिच्या इंस्टाग्रामवर एक स्टोरी शेअर केली आहे. या स्टोरीमध्ये अभिनेत्रीने अयोध्येतून आलेल्या खास भेटीचा फोटो पोस्ट केला आहे.
Rakul Preet Singh Jackky Bhagnani : बॉलिवूड अभिनेत्री रकुल प्रीत सिंह (Rakul Preet Singh) आणि चित्रपट निर्माता-अभिनेता जॅकी भगनानी (Jackky Bhagnani) हे नुकतेच विवाहबंधनात अडकले. या नव्या विवाहित दाम्पत्याच्या विवाह सोहळ्यातील फोटो, व्हिडीओ सोशल मीडियावर शेअर झाले होते. आता या जोडप्याला प्रभू श्रीरामाचा आशिर्वाद मिळाला. अयोध्येवरून (Ayodhya) खास भेटवस्तू मिळाली आहे.
नवदाम्प्त्याला मिळाला श्रीरामाचा आशिर्वाद
रकुलप्रीत सिंहने तिच्या इंस्टाग्रामवर एक स्टोरी शेअर केली आहे. या स्टोरीमध्ये अभिनेत्रीने अयोध्येतून आलेल्या खास भेटीचा फोटो पोस्ट केला आहे. रकुल-जॅकीला अयोध्येतील श्रीराम मंदिरातून प्रसाद आला आहे. या प्रसादाचा फोटो रकुलने चाहत्यांसोबत शेअर केला आहे.
रकुलने शेअर केलेल्या फोटोत एक पेटी दिसत आहे. यामध्ये राम मंदिराची छोटी प्रतिकृती आणि चांदीचे नाणे ठेवण्यात आले आहे. यासोबत बॉक्समध्ये प्रसादम म्हणून एक पुस्तकाकृती वस्तू दिसत आहे. हा खास प्रसाद अयोध्येतून या नवविवाहित जोडप्यांला त्यांच्या विवाहप्रीत्यर्थ पाठवण्यात आला आहे.
अयोध्येतून आलेल्या या आशिर्वादरुपी भेटवस्तूवर रकुलने आपला आनंद व्यक्त केला आहे. या फोटोसह तिने म्हटले की, आमच्या विवाहानंतर अयोध्येतून प्रसादम मिळाल्यानंतर खूप आनंद वाटत आहे. आमच्या आयुष्याच्या नव्या प्रवासाची ही चांगली सुरुवात असल्याचे तिने म्हटले.
View this post on Instagram
गोव्यात झाले विवाहबद्ध
21 फेब्रुवारी रोजी रकुल आणि जॅकी भगनानी हे गोव्यात विवाहबद्ध झाले. शीख आणि सिंधी रितीरिवाजांनुसार दोघेही विवाहबद्ध झाले आहेत.
रकुल-जॅकीच्या लग्नाला गोव्यात सेलिब्रिटींची मांदियाळी दिसून आली. रकुल प्रीत सिंह आणि जॅकी भगनानी यांच्या लग्नसोहळ्याला शिल्पा शेट्टी, राज कुंद्रा, वरुण धवन, नताशा दलाल, आयुष्मान खुराना, अर्जुन कपूर, डेव्हिड धवन, महेश मांजरेकरसह अनेक सेलिब्रिटींनी हजेरी लावली होती. लग्नानंतर रकुल आणि जॅकी मुंबईत ग्रँड रिसेप्शनचं आयोजन करणार आहेत.
इतर संबंधित बातमी :
महत्त्वाच्या बातम्या
ट्रेंडिंग न्यूज
