Rakhi Sawant On Increased Tomato Price : बॉलिवूडची 'ड्रामाक्वीन' राखी सावंत (Rakhi Sawant) नेहमीच कोणत्या ना कोणत्या कारणाने चर्चेत असते. पण आता ती एका वेगळ्याचे कारणाने चर्चेत आली आहे. रोजच्या गरजेच्या खाद्यपदार्थांमध्ये समावेश असलेल्या टोमॅटोच्या (Tomato) किंमती वाढल्याने सर्वसामान्यांप्रमाणे राखी सावंतलाही याचा धक्का बसला आहे. टोमॅटो महागल्याने ती नाराज आहे.
राखी सावंतचा एक व्हिडीओ (Rakhi Sawant Video) सोशल मीडियावर (Social Media) व्हायरल होत आहे. या व्हिडीओमध्ये राखी टोमॅटोच्या दर वाढीवर भाष्य करताना दिसत आहे. 'ड्रामाक्वीन' म्हणत आहे,"खरचं टोमॅटो खूपच महाग झाले आहेत. टोमॅटो ही रोजच्या जेवणातली गोष्ट आहे ती महाग करायची गरज आहे का? आता मी टोमॅटोची चटणी कशी बनवणार? टोमॅटोचं सॅलेड कसं बनवणार?". टोमॅटो महाग झाल्याने चटणी कशी बनवायची असा प्रश्न राखीला पडला आहे.
राखी सावंत नेटकऱ्यांच्या निशाण्यावर
राखी सावंतच्या व्हायरल व्हिडीओवर नेटकऱ्यांनी कमेंट्स करत तिच्यावर निशाणा साधला आहे. शेतकऱ्याचा टोमॅटो महाग झाल्याचा तुला त्रास होतोय आणि तुझ्या सिनेमाचे तिकीट किती महाग असतात याचा तू कधी विचार केला आहेस का? फाउंडेशन आणि लिपस्टिक किती महाग असतं मग ते कसं लावायचं असा प्रश्न नाही पडला का तुला? आजकाल तू खूपच नाटक करायला लागली आहेस, अशा कमेंट्स नेटकऱ्यांनी केल्या आहेत.
राखी सावंतचा थेट पंतप्रधान नरेंद्र मोदींना प्रश्न...
राखी सावंतचा याआधीदेखील एक व्हिडीओ व्हायरल झाला होता. त्यावेळी ती म्हणाली होती,"मी खूप अस्वस्थ आहे. टोमॅटो, बटाटा आणि कांदा महाग झाला आहे. टोमॅटो 120 रुपये किलो झाला आहे. हिरवी मिर्चीचादेखील दर वाढला आहे. त्यामुळे मी आता टोमॅटोची शेती करण्याचा विचार करत आहे. सध्या मी टोमॅटोचं डाएट करत आहे. पंतप्रधान नरेंद्र मोदी यांनी टोमॅटोचे दर का वाढवले आहेत?".
राखी सावंत गेल्या काही दिवसांपासून तिच्या पतीमुळे अर्थात आदिल खान दुर्रानीमुळे चर्चेत आहे. आदिल सध्या तुरुंगात असून राखीला धमक्या देत आहे. तुरुंगातून बाहेर आल्यानंतर राखी आणि आदिलचा घटस्फोट होणार असल्याची चर्चा आहे. आदिलसोबत घटस्फोट घेण्यानंतर राखी पुन्हा एकदा लग्नाचा विचार करणार असल्याची चर्चा आहे.
संबंधित बातम्या