Raj Thackeray on Vicky Kaushal as Sambhaji Maharaj : मनसेकडून (MNS) दरवर्षी शिवाजी पार्कात दीपोत्सावाचे आयोजन केले जाते. या दीपोत्सवाला अनेक सेलिब्रिटी उपस्थित असतात. यंदा विकी कौशल, राजकुमार हिराणी, अभिजीत जोशी, साजिद नाडियादवाला, आशुतोष गोवारीकर या सेलिब्रिटींनी हजेरी लावली होती. दरम्यान विकी कौशल (Vicky Kaushal) त्याच्या आगामी सिनेमात छत्रपती शिवाजी महाराजांची (Chhatrapati Sambhaji Maharaj) भूमिका साकारणार आहे. मनसे अध्यक्ष राज ठाकरे (Raj Thackeray) यांनी यासंदर्भात घोषणा केली आहे.
मनसेच्या दीपोत्सवात राज ठाकरेंनी विकी कौशलचं कौतुक केलं आहे. त्यावेळी विकीच्या लूकबद्दल बोलताना ते म्हणाले,"विकी कौशलचा एक नवा सिनेमा लवकरच प्रेक्षकांच्या भेटीला येणार आहे. या सिनेमात विकी कौशल धर्मवीर संभाजी महाराज यांची भूमिका साकारत आहे. या भूमिकेसाठी तो खूप मेहनत घेत असून त्याने खरीखुरी दाढी वाढवली आहे".
विकी कौशल छत्रपती संभाजी महाराज यांची भूमिका साकारणार आहे. पण अद्याप या सिनेमाचं नाव समोर आलेलं आहे. 'छावा' असे या सिनेमाचे नाव असल्याचं म्हटलं जात आहे. तसेच या सिनेमात विकी कौशलसह बॉलिवूड अभिनेत्री रश्मिका मंदन्ना, आशुतोष राणा, दिव्या दत्ता आणि अनिल कपूर महत्त्वाच्या भूमिकेत झळकू शकतात. या सिनेमातील औरंगजेबाच्या भूमिकेसाठी अनिल कपूर (Anil Kapoor) यांना विचारणा झाल्याची चर्चा आहे.
विकी कौशलचा 'सॅम बहादुर' प्रेक्षकांच्या भेटीसाठी सज्ज! (Vicky Kaushal Upcoming Movie Sam Bahadur)
विकी कौशल सध्या 'सॅम बहादुर' या सिनेमामुळे चर्चेत आहे. मेघना गुलजार यांनी या सिनेमाच्या दिग्दर्शनाची धुरा सांभाळली आहे. 1 डिसेंबर 2023 रोजी हा सिनेमा प्रेक्षकांच्या भेटीला येणार आहे. ट्रेलर आणि पोस्टर आऊट झाल्याने प्रेक्षकांना आता या सिनेमाची प्रतीक्षा आहे. 'सॅम बहादुर' या सिनेमात नीरज काबी, एडवर्ड सोनेनब्लिक, रिचर्ड भक्ती क्लेन, साकिब अयुब आणि कृष्णकांत सिंह बुंदेला महत्त्वाच्या भूमिकेत आहेत. विकीचा 'द ग्रेट इंडियन फॅमिली' हा सिनेमादेखील 22 सप्टेंबरला सिनेमागृहात प्रदर्शित होणार आहे. उरी, मसान, राझी, संजू, सरदार उधम, मनमर्जियां, जरा हटके जरा बचके अशा अनेक सिनेमांत विकीच्या अभिनयाची जादू पाहायला मिळाली आहे.
संबंधित बातम्या