मुंबई : सलमान खानचा मोस्ट अवेटेड चित्रपट 'राधे' चा आज ट्रेलर रिलीज झाला आहे. यामध्ये सलमान आपल्या अनोख्या अंदाजात हाणामारी करताना दिसत आहे. बऱ्याच काळापासून प्रेक्षक या चित्रपटाची वाट पाहत असून हा चित्रपट आता 13 मेला ओटीटी प्लॅटफॉर्म तसेच चित्रपटगृहात दिसणार आहे. सलमान खानने या चित्रपटाचा ट्रेलर त्याच्या सोशल मीडियावरून शेअर केला आहे.
या चित्रपटात सलमान खान एका पोलीस अधिकाऱ्याच्या भूमिकेत दिसणार आहे. राधे नावाच्या या अधिकाऱ्याने शहरातील गुन्हेगारी संपवण्याचा निर्धार केला असून त्यासाठी तो कोणत्याही थराला जाण्याची तयारी ठेवतो. त्याने 97 एन्काउंन्टर केलेले असतात.
या चित्रपटात सलमान खान दिशा पाटनीशी रोमान्स करताना दिसणार आहे. या चित्रपटात जॅकी श्रॉफ आणि रणदिप हुड्डा हे कलाकारही दिसणार आहेत.
राधे हा चित्रपट या आधीच रीलीज करण्यात येणार होता पण कोरोनामुळे त्याची तारीख सातत्याने पुढे ढकलण्यात येत होती. या चित्रपटाचे दिग्दर्शन प्रभुदेवाने केलं आहे.
महत्वाच्या बातम्या :