Aryan Khan Post Bail: क्रूझ ड्रग्ज प्रकरणातील शाहरुख खानच्या मुलाला शनिवारी (27 ऑक्टोबर) जामीन मिळाला आहे. आर्यनला शनिवारी जामिन मिळाल्यानंतर क्रूझ ड्रग्ज प्रकरणातील आर्यन खानचे साथीदार मुनमुन धमेचा आणि अरबाज मर्चंटलादेखील रविवारी जामीन मिळाला. जामीन देण्याआधी न्यायालयाने त्यांना अनेक आदेश दिले होते. त्यातील एक म्हणजे, तुरुंगातून सुटका झाल्यानंतर तिघांनी एकमेकांसोबत कोणत्याही प्रकारे संपर्क साधण्याचा प्रयत्न करायचा नाही.
या आदेशासंदर्भात अरबाज मर्चंटचे वडील असलम मर्चंट म्हणाले,"न्यायालयाच्या आदेशानुसार अरबाज आणि आर्यन एकमेकांसोबत कुठल्याही पद्धतीने संवाद साधू शकत नाही. हा आदेश आर्यनलादेखील लागू होतो. त्यांनी जर या आदेशाचे पालन केले नाही तर त्यांचा जामीन रद्द होऊ शकतो. अरबाज आणि आर्यन बालमित्र आहेत. पण तरीही दोघांना या आदेशाचे पालन करणे गरजेचे आहे".
Shahrukh Khan Birthday : किंग खानचा 56 वा वाढदिवस; बादशाहाच्या 'मन्नत' बाबत या गोष्टी माहितेयत का?
असलम मर्चंट पुढे म्हणाले,"न्यायालयाने दिलेल्या आदेशाचे उल्लंघन होणार नाही याची आम्ही दक्षता घेत आहोत. अरबाज आणि आर्यनदेखील न्यायालयाने दिलेल्या आदेशाचे पालन करण्याचा प्रयत्न करत आहेत. त्यांना देखील जामीन अर्ज रद्द झालेला चालणार नाही. नाईलाज असला तरी न्यायालयाच्या आदेशाचे पालन करावेच लागणार आहे".
Happy Birthday SRK: वाढदिवशी किंगखान शाहरुखला बॉलिवूड कलाकारांच्या हटके शुभेच्छा
दरम्यान आर्यनची जामीनावर सुटका झाली तरी त्याला अनेक गोष्टींचा सामना करावा लागत आहे. घरी परतल्यानंतर आर्यन भाऊक दिसून येत होता. घरी परतल्यानंतर आर्यनने त्याच्या अधिकृत इंस्टाग्राम अकाउंटवरील त्याचा डीपी बदलला आहे. आर्यनच्या डीपीमध्ये आता कोणताही फोटो दिसत नाही. तसेच आर्यनने त्याचे काही जुने फोटोदेखील काढून टाकले आहेत.