Happy Birthday SRK: बॉलिवूड अभिनेता शाहरुख खानने (Shahrukh Khan) 56 व्या वर्षात पदार्पण केलं आहे. मन्नतवर शाहरुखला भेटण्यासाठी चाहत्यांनी प्रचंड गर्दी केली होती. तर काही चाहत्यांनी शुभेच्छा देण्यासाठी सोशल मीडियाचा अवलंब केला. बॉलिवूड कलाकारांनीदेखील शाहरुखला सोशल मीडियावरुन शुभेच्छा दिल्या आहेत.
करीना कपूर खानने शाहरुख सोबतचा फोटो सोशल मीडियावर शेअर करत लिहिले आहे,"शाहरुख तुला वाढदिवसाच्या खूप-खूप शुभेच्छा". करण जौहरने शाहरुखला वाढदिवसाच्या शुभेच्छा देत एक भला मोठा मेसेज लिहिला आहे. तुला पहिल्यांदा भेटलो तेव्हा मला अंदाज नव्हता की तुझा माझ्या करिअरमध्ये महत्तवाचा वाटा असणार आहे.
माधुरीने शाहरुखसोबतचा जुना गोड फोटो शेअर करत त्याला वाढदिवसाच्या शुभेच्छा दिल्या आहेत. तिने लिहिले आहे,"सर्वात नम्र व्यक्तीला वाढदिवसाच्या शुभेच्छा. तुला आनंदी आणि दीर्घ आयुष्य लाभो".
आलियाने "माझा सगळ्यात आवडता व्यक्ती" असे लिहित सोशल मीडियावर शाहरुखसोबतचा फोटो शेअर केला आहे. आलियाने पुढे लिहिले आहे,"तुझ्या जीवनात फक्त आनंदीआनंद असुदेत. कारण तु सगळ्यांना आनंदी ठेवत असतो.
सलमान खानने दिल्या शुभेच्छा
आज "अपने भाई का बर्थडे है, हॅपी बर्थडे मेरा भाई" म्हणत सलमान खानने शाहरुख खानला वाढदिवसाच्या शुभेच्छा दिल्या आहेत.