Raghav Chadha, Parineeti Chopra: बॉलिवूडमधील प्रसिद्ध अभिनेत्री परिणीती चोप्रा (Parineeti Chopra) आणि आम आदमी पक्षाचे (Aam Aadmi Party) नेते राघव चढ्ढा (Raghav Chadha) यांचा साखरपुडा काही दिवसांपूर्वी पार पडला. या कपलची चर्चा केल्या काही दिवसांपासून सोशल मीडियावर होत आहे. नुकताच परिणीतीचा एक व्हिडीओ सोशल मीडियावर व्हायरल झाला आहे. या व्हिडीओमध्ये पापराझीच्या प्रश्नाला परिणिती उत्तर देताना दिसत आहे.
सोशल मीडियावर व्हायरल झालेल्या व्हिडीओमध्ये दिसत आहे की, परिणीती ही एका लिफ्टमध्ये उभी आहे. अशातच पापराझी तिला काही प्रश्न विचारतात. एक फोटोग्राफर परिणीतीला 'शादी में बुलाना' असं म्हणतो. फोटोग्राफरचं हे बोलणं ऐकून परिणीती हसते. त्यानंतर एक फोटोग्राफर परिणितीला विचारतो, 'तुझे वैवाहिक जीवन कसे आहे?' या प्रश्नाचं उत्तर देत परिणीती म्हणते, 'माझं अजून लग्न झालेलं नाही' परिणीतीच्या या व्हायरल व्हिडीओवर अनेक नेटकऱ्यांनी लाइक्स आणि कमेंट्सचा वर्षाव केला आहे.
पाहा व्हिडीओ:
पंजाबचे मुख्यमंत्री भगवंत मान, लोकप्रिय फॅशन डिझायनर मनीष मल्होत्रा आणि दिल्लीचे मुख्यमंत्री अरविंद केजरीवाल यांच्यासोबतच अनेक दिग्गज मंडळींनी परिणीती आणि राघव यांच्या साखरपुड्याला हजेरी लावली होती.
राघव चढ्ढा आणि परिणीती यांच्या नात्याबाबत गेल्या काही दिवसांपासून सोशल मीडियावर चर्चा सुरु होती. आता परिणीती आणि राघव हे लग्न कधी करणार आहेत? हे जाणून घेण्यासाठी त्यांचे चाहते उत्सुक आहेत.
परिणीतीचा आगामी चित्रपट
परिणीतीच्या आगामी चित्रपटांची प्रेक्षक उत्सुकतेने वाट बघत आहेत. काही दिवसांपूर्वी तिचा कोडनेम तिरंगा हा चित्रपट प्रेक्षकांच्या भेटीस आला. परिणीती ही तिच्या अभिनयानं प्रेक्षकांची मनं जिंकत असते. 'चमकिला' या आगामी चित्रपटामध्ये परिणीती ही दिलजीत दोसांझसोबत काम करणार आहे. इम्तियाज अली दिग्दर्शित हा चित्रपट नेटफ्लिक्सवर प्रदर्शित होणार आहे.
संबंधित बातम्या