Parineeti Chopra Raghav Chadha : आम आदमी पक्षाचे (Aam Aadmi Party) नेते राघव चढ्ढा (Raghav Chadha) आणि बॉलिवूडमधील प्रसिद्ध अभिनेत्री परिणीती चोप्रा (Parineeti Chopra) यांचा साखरपुडा काही दिवसांपूर्वी धुमधडाक्यात पार पडला. या दोघांच्या साखरपुड्याला काही नेत्यांनी आणि सेलिब्रिटींनी हजेरी लावली होती. परिणीती आणि राघव यांच्या साखरपुड्याचे फोटो आणि व्हिडीओ सोशल मीडियावर व्हायरल झाले. परिणीती आणि राघव यांच्या साखरपुड्याच्या कार्यक्रमावेळी अरदास म्हणजेच प्रार्थना देखील करण्यात आली होती. या खास क्षणाचे फोटो परिणीती आणि राघव यांनी शेअर केले आहेत.
परिणीती आणि राघव यांनी साखरपुड्यातील काही खास फोटो शेअर केले आहेत. या फोटोला त्यांनी कॅप्शन दिलं, 'अकाल तख्त साहिबचे जथेदार, सिंह साहिब ग्यानी हरप्रीत सिंग जी यांचा आशीर्वाद मिळाला. आमच्या साखरपुड्यात त्यांची पवित्र उपस्थिती खास होती. ' परिणीती आणि राघव यांनी शेअर केलेल्या फोटोमध्ये ते दोघे आणि त्यांचे कुटुंब हे अरदास म्हणजेच प्रार्थना करताना दिसत आहेत.
परिणीती आणि राघव चढ्ढा यांचा साखरपुडा 13 मे रोजी दिल्लीत जवळच्या मित्रपरिवाराच्या उपस्थितीत पार पडला. परिणीती आणि राघव यांच्या शाही साखरपुड्याची थीम हटके होती. त्या दोघांनी पेस्टल रंगाचे कपडे परिधान केले होते. दोघेही या अतिशय सुंदर दिसत होते. परिणीती आणि राघव यांच्या साखरपुड्यातील फोटो सोशल मीडियावर व्हायरल झाले.
पंजाबचे मुख्यमंत्री भगवंत मान, लोकप्रिय फॅशन डिझायनर मनीष मल्होत्रा आणि दिल्लीचे मुख्यमंत्री अरविंद केजरीवाल यांच्यावर अनेक राजकारणी मंडळी परिणीती आणि राघव यांच्या साखरपुड्याला उपस्थित होते. दरम्यान बॉलिवूड अभिनेत्री आणि परिणीतीची बहिण प्रियांका चोप्रानेदेखील बहिणीच्या साखरपुड्याला हजेरी लावली होती.
राघव चढ्ढा आणि परिणीती यांच्या नात्याबाबत गेल्या काही दिवसांपासून सोशल मीडियावर चर्चा सुरु होती. आता परिणीती आणि राघव हे लग्न कधी करणार आहेत? हे जाणून घेण्यासाठी त्यांचे चाहते उत्सुक आहेत.
परिणीतीचे चित्रपट
इश्कजादे, शुद्ध देसी रोमान्स, हसी तो फसी, दावत-ए-इश्क यांसारख्या हिट चित्रपटांमधून परिणीती ही प्रेक्षकांच्या भेटीस आली . काही दिवसांपूर्वी तिचा कोडनेम तिरंगा हा चित्रपट प्रेक्षकांच्या भेटीस आला. परिणीतीचे चाहते तिच्या चित्रपटांची उत्सुकतेने वाट बघत आहेत.
संबंधित बातम्या