Alia Bhatt Pregnancy : "तुमच्या प्रेमाने आम्ही भारावलो आहोत"... आलियाने मानले चाहत्यांचे आभार

Alia Bhatt and Ranbir Kapoor : आलिया भट्टने काल चाहत्यांना गूड-न्यूज दिली होती. त्यामुळे सोशल मीडियावर शुभेच्छांचा वर्षाव सुरू होता.

Alia Bhatt and Ranbir Kapoor

Alia Bhatt and Ranbir Kapoor : बॉलिवूड अभिनेत्री आलिया भट्ट (Alia Bhatt) आणि रणबीर कपूरने (Ranbir Kapoor) काल (27 जूनला) सोशल मीडियाच्या माध्यमातून चाहत्यांना गूड-न्यूज दिली होती. त्यामुळे सोशल मीडियावर आलिया-रणबीरच्या चाहत्यांनी शुभेच्छांचा वर्षाव केला होता. आता आलियाने इंस्टा स्टोरी शेअर करत चाहत्यांचे आभार मानले आहेत. 

चाहत्यांसोबत सेलिब्रिटींनीदेखील आलिया-रणबीरला शुभेच्छा दिल्या आहेत. करण जोहर, मौनी रॉय, रकुलप्रीत सिंह, परिणिती चोप्रा, टायगर श्रॉफ आणि प्रियांका चोप्रा या सेलिब्रिटींनी आलियाने शेअर केलेल्या फोटोवर कमेंट्स करत शुभेच्छा दिल्या आहेत. त्यामुळेच आलियाने खास पोस्ट शेअर करत सर्वांचे आभार मानले आहेत. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Alia Bhatt 🤍☀️ (@aliaabhatt)

आलियाने खास पोस्ट शेअर करत लिहिले आहे,"तुमच्या प्रेमाने आम्ही भारावून गेलो आहोत. प्रत्येक चाहत्याचा मेसेज वाचण्याचा आम्ही प्रयत्न करत आहोत. तुमचे प्रेम आणि आर्शीवाद असेच राहुदेत. आमच्या आयुष्यातील महत्त्वाची गोष्ट तुमच्यासोबत शेअर करताना खूप आनंद होत आहे. सर्वांचे आभार...". 

आलिया भट्ट आणि रणबीर कपूर 14 एप्रिल 2022 रोजी लग्नबंधनात अडकले. मोजक्या पाहूण्यांच्या उपस्थितीत त्यांचा लग्नसोहळा पार पडला. आलिया-रणबीरच्या लग्नसोहळ्यातील फोटो चाहत्यांच्या पसंतीस उतरले आहेत. ब्रह्मास्त्र या सिनेमाच्या सेटवर आलिया आणि रणबीरच्या मैत्रीचे रुपांतर प्रेमात झाले. त्यानंतर दोघांनी लग्न करण्याचा निर्णय घेतला. रणबीर आणि आलियाचा ब्रह्मास्त्र हा सिनेमा लवकरच प्रेक्षकांच्या भेटीस येणार आहे. 

संबंधित बातम्या