Oscar Awards 2023: ऑस्कर 2023 च्या रेड कार्पेटवर भारतीय सेलिब्रिटींची हवा; 'आरआरआर' च्या टीमचा खास लूक तर दीपिकाच्या लूकनं वेधलं अनेकांचे लक्ष
दीपिका (Deepika Padukone) आणि आरआरआर (RRR) या चित्रपटाच्या टीमनं ऑस्कर पुरस्कार सोहळ्यासाठी खास लूक केला.
Oscar Awards 2023: 95 व्या ऑस्कर पुरस्कार (Oscar 2023) सोहळ्याकडे जगभरातील लोकांचे लक्ष लागले आहे. यंदाचा ऑस्कर पुरस्कार सोहळा हा भारतीयांसाठी खास आहे. कारण एसएस राजामौली यांच्या आरआरआर (RRR) या चित्रपटातील 'नाटू नाटू' ला (Naatu Naatu) ऑस्कर 2023 साठी बेस्ट ओरिजनल सॉन्ग कॅटेगरीमध्ये नामांकन मिळाले आहे. तसेच दीपिका पादुकोण (Deepika Padukone) ही प्रेजेंटर म्हणून या पुरस्कार सोहळ्यात हजर झाली आहे. दीपिका आणि आरआरआर या चित्रपटाच्या टीमनं ऑस्कर पुरस्कार सोहळ्यासाठी खास लूक केला. आरआरआर चित्रपटाच्या ऑस्कर पुरस्कार सोहळ्याच्या टीमनं रेड कार्पेटवर वॉक केला. तर दीपिकानं ऑस्कर 2023 साठी केलेल्या लूकचा फोटो सोशल मीडियावर शेअर केला.
आरआरआर चित्रपटाच्या टीमचा खास लूक
आरआरआर चित्रपटातील अभिनेता राम चरण आणि ज्युनियर एनटीआर यांनी ऑस्कर 2023 पुरस्कार सोहळ्यासाठी ऑल ब्लॅक लूक केला. तर दिग्दर्शक एसएस राजामौली हे जांभळा कुर्ता आणि धोती अशा ट्रेडिशन लूकमध्ये दिसले. राम चरणची पत्नी उपासनानं देखील ऑस्कर पुरस्कार सोहळ्याला हजेरी लावली आहे. आरआरआर चित्रपटातील नाटू नाटू या गाण्याचे गायक काळ भैरव आणि राहुल सिपलीगुंज यांनी देखील ऑस्कर पुरस्कार सोहळ्यासाठी खास लूक केला. एम एम कीरावानी आणि त्यांच्या पत्नीनं देखील ऑस्कर पुरस्कार सोहळ्याला हजेरी लावली.
The RRR at the #OSCARS!!! #Oscars95 #NaatuNaatu #RRRMovie pic.twitter.com/QT1LGcRFtU
— RRR Movie (@RRRMovie) March 12, 2023
Our singers @kaalabhairava7 & @Rahulsipligunj have arrived to the #Oscars95 event!! #Oscars #NaatuNaatu #RRRMovie @TheAcademy pic.twitter.com/aNr3eWVWuz
— RRR Movie (@RRRMovie) March 12, 2023
MM Keeravaani ❤️🔥❤️🔥❤️🔥 #Oscars #Oscars95 #RRRMovie pic.twitter.com/69XnH2D3XO
— RRR Movie (@RRRMovie) March 13, 2023
दीपिकाचा स्टनिंग लूक
दीपिकानं ऑस्कर पुरस्कार सोहळ्यासाठी ब्लॅक कलरचा ऑफ शोल्डर गाऊन परिधान केला. तसेच तिनं एक खास नेकपिस देखील परिधान केला होता. दीपिकानं तिच्या या खास लूकचे फोटो सोशल मीडियावर शेअर केले. या फोटोला अनेक नेटकऱ्यांनी कमेंट करुन तिला ऑस्कर पुरस्कार सोहळ्यासाठी शुभेच्छा दिल्या. प्रेझेंटर म्हणून दीपिकानं या पुरस्कार सोहळ्यात हजेरी लावली आहे.
View this post on Instagram
वाचा इतर महत्वाच्या बातम्या:
Oscars 2023 : भारत इतिहास रचणार? 'ऑस्कर'मध्ये पहिल्यांदाच मिळाली 3 नॉमिनेशन, वाचा सविस्तर
महत्त्वाच्या बातम्या
ट्रेंडिंग न्यूज
