एक्स्प्लोर
Advertisement
प्रेग्नन्सीमुळे अभिनेत्री नेहा धुपियाचं घाई-गडबडीत लग्न?
नेहा धुपिया गर्भवती असल्यामुळे तिने दोन वर्षांनी लहान असलेल्या अंगद बेदीसोबत लगीनगाठ बांधली, अशा चर्चा सोशल मीडियावर रंगली आहे.
मुंबई : बॉलिवूडमधील प्रसिद्ध अभिनेत्री नेहा धुपिया गेल्याच आठवड्यात लग्नाच्या बेडीत अडकली. कोणताही गाजावाजा न करता, लग्न झाल्यानंतरच नेहाने लग्नाचे फोटो सोशल मीडियावर जाहीर केले. त्यामुळेच तिच्या चारित्र्याविषयी भलते-सलते प्रश्न सोशल मीडियावर निर्माण केले जात आहेत.
नेहा धुपिया गर्भवती असल्यामुळे तिने दोन वर्षांनी लहान असलेल्या अंगद बेदीसोबत लगीनगाठ बांधली, अशा चर्चा सोशल मीडियावर रंगली आहे.
नेहाचे वडील प्रदीप धुपिया यांनी मात्र हे आरोप फेटाळून लावले आहेत. 'नेहा लग्नाआधी गरोदर असल्याच्या वृत्तात जरासंही तथ्य नाही. कामाच्या डोंगरामुळे नेहा आणि अंगद यांना लग्नासाठी फार वेळ देता येत नव्हता. त्यामुळे घाई गडबडीत तारीख ठरवून दोघांचं शुभमंगल पार पाडलं.' असं प्रदीप धुपिया सांगतात.
अभिनेत्री नेहा धुपिया गुपचूप बोहल्यावर, दोन वर्ष लहान अंगदशी लग्न
'नेहा आणि अंगद चांगले मित्र आहेत, हे आम्हाला माहित होतं. आपल्याला लग्न करायचं आहे, हे ते दोघं कधी सांगतात, याचीच आम्ही वाट पाहत होतो. त्यांनी निर्णय घेताच, आम्ही पालकांनीही लगेच संमती दिली' असंही नेहाच्या वडिलांनी सांगितलं.
नेहा धुपिया आणि अभिनेता अंगद बेदी 10 मे रोजी दिल्लीत विवाहबंधनात अडकले होते. अंगद आणि नेहाने शीख पद्धतीने विवाह केला.
नेहा धुपिया 37 वर्षांची आहे, तर अंगद तिच्यापेक्षा 2 वर्षांनी लहान म्हणजेच 35 वर्षांचा आहे. यामुळेच सोशल मीडियावर दोघांना ट्रोल करण्यात आलं होतं.
‘मिस इंडिया’ झाल्यानंतर नेहाने बॉलिवूडमध्ये पदार्पण केलं. अनेक सिनेमात तिने महत्त्वाच्या भूमिका साकारल्या आहेत. नुकतंच विद्या बालनसोबत ती ‘तुम्हारी सुलू’ या सिनेमात झळकली होती.
अंगद बेदी हा भारताचे माजी क्रिकेटपटू बिशनसिंह बेदी यांचा पुत्र आहे. अंगद बेदीनेही काही चित्रपटांमध्ये लहान-मोठ्या भूमिका साकारल्या आहेत. अमिताभ बच्चन-तापसी पन्नू यांच्यासोबत तो पिंक सिनेमात दिसला होता.
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
महाराष्ट्र
राजकारण
राजकारण
राजकारण
Advertisement