(Source: ECI/ABP News/ABP Majha)
Nayanthara Beyond The Fairy Tale teaser: नयनतारा अन् विग्नेशच्या प्रेमाची कथा; नेटफ्लिक्सनं शेअर केला 'नयनतारा बियोंड द फेरी टेल' चा टीझर
नेटफ्लिक्सनं सोशल मीडिया अकाऊंटवरुन या डॉक्युमेंट्रीचा टीझर शेअर केला आहे.
Nayanthara,Vignesh Shivan : दाक्षिणात्य सिनेसृष्टीतील प्रसिद्ध अभिनेत्री नयनतारा (Nayanthara) आणि दिग्दर्शक विघ्नेश शिवन (Vignesh Shivan) यांनी 9 जून 2022 रोजी लग्नगाठ बांधून आयुष्याच्या नव्या इनिंगला सुरुवात केली. आता त्यांच्या लव्हस्टोरीवर आधारित असणारी 'नयनतारा बियोंड द फेरी टेल' ही डोक्युमेंट्री लवकरच प्रेक्षकांच्या भेटीस येणार आहे. या डॉक्युमेंट्रीचा टीझर रिलीज झाला आहे. नेटफ्लिक्सनं सोशल मीडिया अकाऊंटवरुन या डॉक्युमेंट्रीचा टीझर शेअर केला आहे.
'नयनतारा बियोंड द फेरी टेल' या डॉक्युमेंट्रीच्या टीझरमध्ये नयनतारा ही तिच्या ड्रीम वेडिंगबाबत सांगताना दिसत आहे. ती म्हणाते, 'मी फिल्मी नाहीये. मी सर्वसाधारण मुलगी आहे, जी एखादी गोष्ट करण्यासाठी 100 टक्के प्रयत्न करते' तसेच टीझरमध्ये विग्नेश हा देखील नयनताराबाबत बोलताना दिसत आहे. तो म्हणतो, 'नयनतारा ही केवळ चांगली अभिनेत्री नाही तर एक चांगली व्यक्ती देखील आहे.' आता हा टीझर पाहिल्यानंतर 'नयनतारा बियोंड द फेरी टेल' या डॉक्युमेंट्रीची प्रेक्षक उत्सुकतेने वाट बघत आहेत. या डॉक्युमेंट्रीमध्ये नयनतारा आणि विग्नेश यांनी लव्हस्टोरी प्रेक्षकांना बघायला मिळणार आहे.
पाहा टीझर :
View this post on Instagram
'नयनतारा बियोंड द फेरी टेल' या डॉक्युमेंट्रीच्या रिलीज डेटची अजून घोषणा झालेली नाही. गेल्या वर्षी नयतारा आणि विग्नेश यांचा गेल्या वर्षी साखरपुडा झाला. नयनतारानं 25 मार्च 2021 रोजी सोशल मीडियावर पोस्ट शेअर करुन तिच्या साखरपुड्याची बातमी चाहत्यांना दिली.नानुम राउडी धन या चित्रपटासाठी नयनतारा आणि विग्नेश यांनी एकत्र काम केलं होतं. नयनतारा आणि विघ्नेश शिवन यांचा नुकताच प्रदर्शित झालेला 'काथुवाकुला रेंदू कादल' हा चित्रपट बॉक्स ऑफिसवर धुमाकूळ घालत आहे. चित्रपटाचे दिग्दर्शन विघ्नेशने केले होते. तर नयनतारा, विजय सेतुपती आणि समंथा रुथ प्रबू या कलाकारांनी या चित्रपटामध्ये प्रमुख भूमिका साकारली.
वाचा इतर महत्त्वाच्या बातम्या :
महत्त्वाच्या बातम्या
ट्रेंडिंग न्यूज
