National Cinema Day 2023: आज देशात राष्ट्रीय चित्रपट दिन (National Cinema Day 2023) साजरा केला जात आहे. राष्ट्रीय चित्रपट दिनानिमित्त सिनेप्रेमींसाठी एक खास ऑफर देण्यात आली आहे. प्रेक्षक आज थिएटरमध्ये 99 रुपयांमध्ये चित्रपट पाहू शकणार आहेत. राष्ट्रीय चित्रपट दिनानिमित्त आज कोणकोणते चित्रपट तुम्ही 99 रुपयांमध्ये थिएटरमध्ये जाऊन पाहू शकता, याबाबत जाणून घेऊयात...
शाहरुखचा 'जवान' पाहा 99 रुपयात
शाहरुख खानच्या जवान या चित्रपटाला प्रेक्षकांची विशेष पसंती मिळाली. आज राष्ट्रीय चित्रपट दिनानिमित्त तुम्ही हा चित्रपट 99 रुपयांमध्ये पाहू शकणार आहात. याबद्दल शाहरुखनं एक ट्वीट शेअर करुन माहिती दिली. शाहरुखनं ट्वीटमध्ये लिहिलं, "राष्ट्रीय चित्रपट दिनानिमित्त तुम्हा सर्वांसाठी एक खास भेट, फक्त सिनेमाच्या प्रेमासाठी! 13 ऑक्टोबर रोजी जवान बघा फक्त 99 रुपयांमध्ये.". नयनतारा,विजय सेतुपती, सान्या मल्होत्रा, प्रियामणी, रिद्धी डोगरा, गिरीजा ओक या कलाकारांनी जवान या चित्रपटात प्रमुख भूमिका साकारली आहे.
अक्षय कुमारचा 'मिशन रानीगंज' (Mission Raniganj)
अक्षय कुमारचा मिशन रानीगंज हा चित्रपट देखील आज राष्ट्रीय चित्रपट दिनानिमित्त प्रेक्षक 99 रुपयांमध्ये पाहू शकणार आहेत. या चित्रपटात अभिनेता अक्षय कुमार यानं रिअल लाईफ हिरो जसवंत सिंह गिल यांची भूमिका साकारली आहे.
'थँक यू फॉर कमिंग' (Thank You For Coming)
'थँक यू फॉर कमिंग' हा चित्रपट तुम्ही आज राष्ट्रीय चित्रपट दिनानिमित्त 99 रुपयांमध्ये पाहू शकणार आहात. या चित्रपटात भूमी पेडणेकर, शहनाज गिल, कुशा कपिला, शिबानी बेदी यांनी प्रमुख भूमिका साकारली आहे.
फुकरे 3 (Fukrey 3)
फुकरे-3 या चित्रपटानं बॉक्स ऑफिसवर धुमाकूळ घातला. या चित्रपटानं बॉक्स ऑफिसवर कोट्यवधींची कमाई केली आहे. या चित्रपटामधील कलाकारांच्या विनोदी शैलीला प्रेक्षकांची विशेष लोकप्रियता मिळाली. हा कॉमेडी चित्रपट तुम्ही आज 99 रुपयांना बघू शकता.
तुम्ही बुक माय शो या अॅपवरुन तिकीट बुक करु शकता. तसेच पीवीआर, आयनॉक्स, सिनेपोलिस या वेबसाइट्सवर जाऊन देखील तुम्ही तिकीट बुक करु शकता. 99 रुपयांच्या तिकीटांची ऑफर रिक्लाइनर आणि IMAX, 4DX सारख्या प्रीमियम फॉर्मेटसाठी लागू राहणार नाही.
इतर महत्वाच्या बातम्या: