PM Narendra Modi : पंतप्रधान नरेंद्र मोदी यांनी घेतली ऑस्कर विजेत्या 'The Elephant Whisperers'च्या जोडप्याची भेट; पाहा फोटो

Narendra Modi : नरेंद्र मोदी कर्नाटक दौऱ्यावर असून त्यांनी आता व्याघ्न प्रकल्पाला भेट देण्यासोबत 'द एलिफंट विस्परर्स' या माहितीपटातील जोडप्याची भेट घेतली आहे.

Narendra Modi

Narendra Modi Meets The Elephant Whisperers Boman And Bailey : पंतप्रधान नरेंद्र मोदी (PM Narendra Modi) सध्या कर्नाटक (Karnataka) दौऱ्यावर आहेत. व्याघ्न प्रकल्पाला भेट देण्यासह त्यांनी आज 'द एलिफंट विस्फरर्स' (The Elephant Whisperers) या माहितीपटातील जोडप्याची अर्थात बोमन आणि बेलीची आणि रघुची भेट घेतली आहे. 

नरेंद्र मोदी यांचे बोमन आणि बेलीसोबतचे फोटो सध्या सोशल मीडियावर व्हायरल होत आहेत. नरेंद्र मोदी यांनी ट्वीट केलं आहे,"रघूसह बोमन आणि बेली यांना भेटून आनंद झाला". 'द एलिफंट विस्फरर्स' या माहितीपटाला 'ऑस्कर 2023'मध्ये (Oscars 2023) 'डॉक्युमेन्ट्री शॉर्ट फिल्म' या कॅटेगरीमधील पुरस्कार मिळाला होता. त्यानंतर प्रतप्रधांनांनी या माहितीपटाच्या टीमची भेट घेत त्यांचं अभिनंदन केलं होतं.

What a delight to meet the wonderful Bomman and Belli, along with Bommi and Raghu. pic.twitter.com/Jt75AslRfF

— Narendra Modi (@narendramodi) April 9, 2023

'द एलिफंट विस्परर्स'चं शूटिंग कुठे झालं आहे?

ऑस्कर विजेत्या 'द एलिफंट विस्परर्स' या माहितीपटाचं शूटिंग तामिळनाडूमधील निलगिरी पर्वतरांगेतील मुदुमलाई व्याघ्न प्रकल्पातील थेप्पाकडू एलिफंट कॅम्पमध्ये झालं आहे. थेप्पाकडू एलिफंट कॅम्प हा आशिया खंडातील सर्वात जुना हत्ती कॅम्प आहे. सध्या या कॅम्पमध्ये 28 हत्ती आहेत. हत्तींना प्रशिक्षण आणि त्यांची काळजी घेण्यासाठी या कॅम्पमध्ये खास लोक कार्यरत आहेत. 'द एलिफंट विस्परर्स' या माहितीपटाच्या शूटिंगला सुरुवात करण्यासाठी दिग्दर्शिका कार्तिकी गोन्साल्विस या कॅम्पमध्ये पाच वर्षे राहिली आहे. 

'द एलिफंट विस्परर्स' हा 40 मिनिटांचा माहितीपट प्रेक्षक नेटफ्लिक्स या ओटीटी प्लॅटफॉर्मवर पाहू शकतात. एका अनाथ हत्तीला एक जोडपं दत्तक घेतं आणि त्याचा आपल्या मुलाप्रमाणे कसा सांभाळ करतं हे या माहितीपटात दाखवण्यात आलं आहे. हत्तींचं संगोपन आणि संवर्धन यावर भाष्य करणारा हा माहितीपट आहे. 

'द एलिफंट विस्परर्स'च्या शूटिंगला लागलेत पाच वर्षे

'द एलिफंट विस्परर्स' हा फक्त 40 मिनिटांचा माहितीपट असला तरी या माहितीपटाच्या शूटिंगला पाच वर्षे लागली आहेत. या माहितीपटाची दिग्दर्शिका कार्तिकीने बोमन आणि बेली हे जोडपं हत्तीचा सांभाळ कसा करतात हे तब्बल पाच वर्षे जवळून पाहिलं. शूटिंगआधी रघु या हत्तीसोबत तिने जास्तीत जास्त वेळ घालवण्याचा प्रयत्न केला आहे. 

संबंधित बातम्या