68 वर्षीय झीनत अमान यांच्या आरोपानुसार, 27 जानेवारी रोजी सरफराजने बिल्डिंगखाली येऊन मला धमकावलं. तसंच सुरक्षारक्षकाशी गैरवर्तन करुन त्याला मारहाणही केली.
आरोपी सरफराज काही दिवसांपासून माझा पाठलाग करत होता. तसंच व्हॉट्सअॅपवर अश्लील मेसेजही पाठवत असल्याचा आरोप झीनत अमान यांनी सांगितलं.
पोलिसांनी सरफराजविरोधात 354 (ड) (पाठलाग करणं), 509 आयटी अॅक्ट (महिलेला धमकी देणं) तसंच इतर कलमांअंतर्गत गुन्हा दाखल केला आहे. सरफराज सध्या पसार झाला असून पोलिस त्याचा शोध घेत आहेत.
दरम्यान, 38 वर्षीय आरोपी सरफराज एकेकाळी फिल्ममेकर होता. तसंच काहींच्या मते, तो रिअल इस्टेटच्या व्यवसायात सक्रीय आहे. तर मानसिकदृष्ट्या अस्थिर असून त्याच्यावर अनेक गुन्हे दाखल असल्याचं काहींनी सांगितलं.