Money Laundering Case: जॅकलिन फर्नांडिस आजही ईडीसमोर हजर नाही; आता सोमवारी बोलावणं

Money Laundering Case: ईडीला (ED) कथित ठग सुकेश चंद्रशेखरविरोधात सुरू असलेल्या मनी लाँडरिंगच्या चौकशीसंदर्भात जॅकलिन फर्नांडिसला काही प्रश्न विचारायचे आहेत.

संग्रहित छायाचित्र

Money Laundering Case: अंमलबजावणी संचालनालयाने (ED) मनी लाँड्रिंग प्रकरणी चित्रपट अभिनेत्री जॅकलिन फर्नांडिसला समन्स बजावले आहे. एजन्सीने तिला सोमवार, 18 ऑक्टोबर रोजी दिल्ली कार्यालयात हजर राहण्यास सांगितले आहे. जॅकलीन आज तिचे निवेदन नोंदवण्यासाठी ईडीसमोर हजर होणार होती. मात्र, वैयक्तिक कारणांमुळे ती उपस्थित राहू शकली नाही.

ईडीला कथित ठग सुकेश चंद्रशेखरविरोधात सुरू असलेल्या मनी लाँडरिंगच्या चौकशीसंदर्भात जॅकलिन फर्नांडिसकडून काही प्रश्न विचारायचे आहेत. या प्रकरणात, जॅकलिन एकदा ऑगस्टमध्ये ईडीसमोर हजर झाली आणि तिने मनी लाँड्रिंग प्रतिबंधक कायद्याच्या (पीएमएलए) तरतुदींनुसार तिचा जबाब नोंदवला.

आता ईडी जॅकलिनला चंद्रशेखर आणि त्यांची अभिनेत्री पत्नी लीना मारिया पॉल यांच्या समोरासमोर आणू इच्छित असल्याची माहिती मिळाली आहे. अधिकाऱ्यांनी सांगितले की, या प्रकरणात तपास यंत्रणेला पैशांचा व्यवहार समजून घ्यायचा आहे जो कथितपणे फर्नांडिसशी संबंधित आहे.

ईडी कार्यालयात शुक्रवारीही पोहोचली नाही
जॅकलिन फर्नांडिसला ईडीने शुक्रवारी पुन्हा हजर राहण्यास सांगितले होते, पण ती आली नाही, त्यानंतर तिला शनिवारी तपास अधिकाऱ्यासमोर हजर राहण्यास सांगण्यात आले. मात्र, आजही ती वैयक्तिक कारणांमुळे हजर झाली नाही.

नोरा फतेहीने निवेदन नोंदवलं
अभिनेत्री नोरा फतेहीने गुरुवारी या प्रकरणी तिचे म्हणणे नोंदवले होते. तिच्या प्रतिनिधीने सांगितले, "नोरा फतेही या प्रकरणाची पीडित आणि साक्षीदार आहे, ती तपासात अधिकाऱ्यांना सहकार्य आणि मदत करत आहे."

त्यांच्या प्रवक्त्याने सांगितले की फतेही "कोणत्याही मनी लाँड्रिंग प्रकरणात सहभागी नव्हती. त्यामुळे तिच्या नावाची बदनामी करू नये असे मीडियाला आवाहन केलंय. ते म्हणाले, "त्यांना आरोपींची माहिती नाही किंवा त्यांचा त्यांच्याशी काहीही संबंध नाही, त्यांना फक्त तपासात मदत करण्यासाठी ईडीने बोलावले आहे."

चंद्रशेखर याला अलीकडेच ईडीने अटक केली आणि स्थानिक कारागृहात ठेवले. यापूर्वी दिल्ली पोलिसांनी फोर्टिस हेल्थकेअरचे माजी प्रवर्तक शिविंदर मोहन सिंग यांची पत्नी आदितीसह काही हायप्रोफाईल लोकांना फसवल्याप्रकरणी दोघांना ताब्यात घेतले होते.

ऑगस्टमध्ये ईडीने चंद्रशेखरच्या परिसरात छापा टाकला आणि चेन्नईतील बंगला, 82.5 लाख रुपये रोख आणि डझनभर लक्झरी कार जप्त केल्या. त्याने एका निवेदनात दावा केला होता की चंद्रशेखर एक "ज्ञात ठग" आहे आणि कथित गुन्हेगारी कट, खंडणी आणि 200 कोटी रुपयांची फसवणूक केल्याप्रकरणी दिल्ली पोलिस त्याची चौकशी करत आहेत.