Mission Raniganj And Thank You For Coming Box Office Collection Day 1: अभिनेता अक्षय कुमारचा (Akshay Kumar) 'मिशन रानीगंज द ग्रेट भारत रेस्क्यू' (Mission Raniganj) आणि अभिनेत्री भूमी पेडणेकरचा (Bhumi Pednekar) 'थँक यू फॉर कमिंग' (Thank You For Coming) हे दोन चित्रपट 6 ऑक्टोबर रोजी थिएटरमध्ये प्रदर्शित झाले. हा दोन चित्रपटाची बॉक्स ऑफिसवर टक्कर झाल्यानंतर कोणता चित्रपट जास्त कमाई करेल? याकडे अनेकांचे लक्ष लागले होते. या दोन्ही चित्रपटांची बॉक्स ऑफिसवर संथ सुरुवात झाली आहे. जाणून घेऊयात थँक यू फॉर कमिंग आणि मिशन रानीगंज या चित्रपटांचे ओपनिंग-डे कलेक्शन...
अक्षयच्या 'मिशन रानीगंज' चे कलेक्शन (Mission Raniganj Box Office Collection Day 1)
अक्षयच्या मिशन रानीगंज या चित्रपटाची कथा ही रानीगंज येथील आहे, जिथे कोळशाच्या खाणीत अपघात होतो आणि 65 मजूर तिथे अडकतात. या चित्रपटात अभिनेता अक्षय कुमार यानं रिअल लाईफ हिरो जसवंत सिंह गिल यांची भूमिका सकारली आहे. SACNILK च्या सुरुवातीच्या ट्रेंड रिपोर्टनुसार, 'मिशन रानीगंज' चित्रपटानं पहिल्या दिवशी 2.80 कोटी रुपयांची कमाई केली आहे. वीकेंडला या चित्रपटाच्या कमाईत वाढ होईल असा अंदाज लावला जात आहे. या चित्रपटात परिणीती चोप्रानं देखील काम केलं आहे.
'थँक यू फॉर कमिंग' चे कलेक्शन (Thank You For Coming Box Office Collection Day 1)
तरण आदर्श यांनी नुकतेच एक ट्वीट शेअर करुन 'थँक यू फॉर कमिंग' या चित्रपटाच्या कलेक्शनची माहिती दिली आहे. त्यांच्या ट्वीटनुसार, थँक यू फॉर कमिंग या चित्रपटानं ओपनिंग-डेला 1.06 कोटींची कमाई केली आहे. वीकेंडला हा चित्रपट बॉक्स ऑफिसवर जास्त कमाई करेल, असा अंदाज लावला जात आहे. या चित्रपटात भूमी पेडणेकर, शहनाज गिल, कुशा कपिला, शिबानी बेदी यांनी प्रमुख भूमिका साकारली आहे.
इतर महत्वाच्या बातम्या: