मिर्झापूरच्या सत्तेसाठी सुरू असलेला संघर्ष या सीझनमध्येही सुरू राहणार आहे. पंकज त्रिपाठी (Pankaj Tripathi), अली फजल (Ali Fazal), रसिका दुग्गल (Rasika Dugal), विजय वर्मा (Vijay Verma), श्वेता त्रिपाठी (Shweta Tripathi) आदी तगडी स्टारकास्ट आहे.
टीझरमध्ये काय?
या टीझरमध्ये कुलभूषण खरबंदा यांच्या व्हाईस ओव्हरमध्ये जंगलातील नियम, प्राण्यांचे सांकेतिक वागणं सांगण्यात येत आहे. हे सांगितले जात असताना पडद्यावर आपल्याला मिर्झापूरच्या या सीझनमध्ये काय होणार याचा अंदाज येतो. बीना भाभी आणि गुड्डू भैय्या हे एकत्रित येणार की आणखी काही होणार, मागील सीझनमध्ये जखमी झालेला कालीन भैय्या आता या सीझनमध्ये कसे हिशोब चुकते करणार का? हे या सीझनमध्ये दिसणार आहे.
कधी होणार रिलीज?
'मिर्झापूर सीझन 3' हा 5 जुलैपासून चाहत्यांच्या भेटीला येणार आहे. मागील काही महिन्यांपासून चाहत्यांचे रिलीज डेटकडे लक्ष लागले होते.
'मिर्झापूर सीझन 3' साठी व्हा तयार!
प्राईम व्हिडीओने कॅप्शन लिहित पोस्टर रिलीज केले आहे. 'कर दिए है प्रबंधन मिर्जापूर-3 का' अशी कॅप्शन पोस्टरसह देण्यात आली. 'मिर्झापूर सीझन 3' मध्ये मुन्ना भैय्याची भूमिका साकारणारे दिव्येंदू शर्मा नसणार. मागील सीझनच्या शेवटच्या एपिसोडमध्ये गुड्डू भैय्या आणि मुन्ना भैय्यामध्ये झालेल्या चकमकीत मुन्ना भैय्याचा मृत्यू होतो.
एक्सेल एंटरटेन्मेंटचे निर्माते रितेश सिधवानी यांनी म्हटले की, “मिर्झापूरच्या पहिल्या दोन सीझनला प्रेक्षकांनी चांगला प्रतिसाद दिला. त्याचे कौतुक केले. आता पुन्हा एकदा प्रेक्षक मिर्झापूरमध्ये पोहचणार आहेत. प्रेक्षकांना हा सीझन आवडेल असा विश्वास त्यांनी व्यक्त केला.