Milind Soman Birthday : बॉलिवूड सेलिब्रिटींपैकी काही सेलिब्रिटी नेहमीच चर्चेत असतात. यापैकी एक सेलिब्रिटी म्हणजे अभिनेता मिलिंद सोमन (Milind Soman). वयाची पन्नाशी ओलांडलेल्या मिलिंदचा फिटनेट तरुणांना लाजवणारा आहे. आज मिलिंदचा 57 वा वाढदिवस आहे. वयाच्या 57 व्या वर्षीही मिलिंद कमाल फिट आहे.
मिलिंदची हटके लव्हस्टोरी
मिलिंद आणि अंकिताच्या लग्नाला आता चार वर्षे झाली आहेत. 22 एप्रिल 2018 साली ते लग्नबंधनात अडकले. त्यावेळी मिलिंद 55 तर अंकिता 30 वर्षांची होती. त्यादोघांमध्ये 25 वर्षांचे अंतर आहे. अंकितासोबत मिलिंदचे दुसरे लग्न आहे. त्याने फ्रेंच अभिनेत्री मायलिन जम्पोनईशी पहिलं लग्न केलं होतं. पण अवघ्या तीन वर्षांतच ते विभक्त झाले.
मिलिंद कायम चर्चेत!
मिलिंदने अभिनय आणि मॉडेलिंगमध्ये स्वत:ची वेगळी ओळख निर्माण केली आहे. तसेच अभिनय आणि मॉडेलिंगसह तो अनेकदा न्यूड फोटोशूट आणि लग्नामुळे चर्चेत असतो. 1995 साली एका फोटोमुळे मिलिंद चर्चेत आला. मिलिंद आणि मॉडेल मधु सप्रे यांचा एक न्यूड फोटो त्यावेळी प्रसिद्ध झाला होता. या फोटोमुळे चांगलाच वाद निर्माण झाला होता. यामुळे मिलिंद विरोधात निदर्शन करण्यात आली होती. त्यानंतर 1995 साली अलिशा चिनॉयच्या ‘मेड इन इंडिया’ या अल्बममध्ये मिलिंद सोमण झळकला. सोशल मीडियावर मिलींदच्या प्रत्येक पोस्टला नेटकऱ्यांची पसंती मिळत असते. अनेक सिनेमे, वेब सिरीज आणि म्यूझिक व्हिडीओमध्ये मिलींदने काम केले आहे.
मिलिंद सोमण अनेक मॅरेथॉनमध्ये सहभागी झाला असून त्याच्या नावावर अनेक रेकॉर्ड आहेत. 'लिम्का बुक ऑफ रेकॉर्ड'मध्येदेखील त्याचं नाव आहे. मिलिंदने अनेक राष्ट्रीय, आंतरराष्ट्रीय उत्पादनांसाठी मॉडेलिंग केलं आहे. मिलिंद छोट्या पडद्यासह रुपेरी पडद्यावरदेखील झळकला आहे. मिलिंद सोशल मीडियावर चांगलाच अॅक्टिव्ह आहे.
'आयर्नमॅन' मिलिंद सोमन!
मिलिंदला 'आयर्नमॅन' म्हणूनदेखील ओळखलं जातं. आजही त्याचा फिटनेस तरुणांना लाजवेल असाच आहे. तरुणांमध्येदेखील मिलिंदची क्रेझ दिसून येते. त्याच्यासाठी वय हा केवळ एक आकडा आहे. मिलिंद नव्वदच्या दशकात जेवढा फिट आणि यंग होता, तेवढाच आजही आहे. पुशअप्स करताना मिलिंद अनेकदा सोशल मीडियावर व्हिडीओ शेअर करत असतो. मिलिंदला जलतरणपटू व्हायचे होते. त्याने अभियांत्रिकीचे शिक्षण घेतले आहे.
संबंधित बातम्या