Himesh Reshammiya: प्रसिद्ध संगीत दिग्दर्शक आणि गायक हिमेश रेशमिया (Himesh Reshammiya) हा वेगवेगळ्या कार्यक्रमांमधून प्रेक्षकांच्या भेटीस येतो. सध्या तो इंडियन आयडॉल 13 (Indian Idol 13) या कार्यक्रमात परीक्षकाची भूमिका साकारतो. हिमेश हा अभिनय क्षेत्रात देखील काम करतो. आता त्याचा द एक्सपोज या फ्रँचायजीमधील ‘BADASS रविकुमार’ (Badass RaviKumar) हा चित्रपट लवकरच प्रेक्षकांच्या भेटीस येणार आहे. या चित्रपटामधून तो आता पुन्हा मोठ्या पडद्यावर पुनरागमन करणार आहे. या चित्रपटाचा धमाकेदार टीझर नुकताच रिलीज झाला आहे.
तरण आदर्श यांनी त्यांच्या सोशल मीडिया अकाऊंटवर ‘BADASS रविकुमार’ या चित्रपटाचा टीझर शेअर केला आहे. हा टीझर शेअर करुन त्यांनी कॅप्शनमध्ये लिहिलं, 'हिमेश रेशमिया मोठ्या पडद्यावर कमबॅक करत आहे. या चित्रपटात दहा खलनायक आहेत.'
चित्रपटाचा ट्रेलर लवकरच होणार रिलीज
तरण आदर्श यांनी पुढे कॅप्शनमध्ये लिहिलं, 'या चित्रपटातील दहा खलनायकांबाबत आणि लिडींग लेडीबाबत तसेच चित्रपटाच्या दिग्दर्शकाबाबत लवकरच माहिती दिली जाईल. तसेच या चित्रपटातील ButterflyTitiliyan हे गाणं आणि चित्रपटाचा ट्रेलर लवकरच रिलीज होणार आहे.' या चित्रपटाची निर्मिती आणि पटकथा लेखन तसेच संगीत दिग्दर्शन हे हिमेश रेशमिया यांनी केले आहे.
पाहा टीझर
सध्या BADASS रविकुमार या चित्रपटाचा हा टीझर सोशल मीडियावर व्हायरल होत आहेत. या टीझरमधील डायलॉग्सनं अनेकांचे लक्ष वेधले आहे. हा चित्रपट पुढच्या वर्षी म्हणजेच 2023 रोजी रिलीज होणार आहे.
वाचा इतर महत्त्वाच्या बातम्या: