The Family Man 3 : प्रतीक्षा संपली; 'द फॅमिली मॅन 3'च्या रिलीजबद्दल मनोज वाजपेयी म्हणाला...
Manoj Bajpayee : मनोज वाजपेयीची 'द फॅमिली मॅन 3' ही सीरिज लवकरच प्रेक्षकांच्या भेटीला येणार आहे.
Manoj Bajpayee On The Family Man 3 : 'द फॅमिली मॅन' (The Family Man) या सीरिजमध्ये मनोज वाजपेयी (Manoj Bajpayee) नेहमी चर्चेत असतो. या वेबसीरिजचे दोन्ही सीझन प्रेक्षकांच्या पसंतीस उतरले आहेत. मनोजच्या अभिनयाला प्रेक्षकांनी पसंती दर्शवली आहे. 'द फॅमिली मॅन'च्या (The Family Man 3) तिसऱ्या पर्वाची घोषणा झाल्यापासून चाहते या सीरिजची प्रतीक्षा करत आहेत. नुकतच एका मुलाखतीत मनोज वाजपेयी म्हणाला,"2023 च्या शेवटी 'द फॅमिली मॅन'च्या शूटिंगला सुरुवात होणार आहे".
'द फॅमिली मॅन 3' बद्दल बोलताना मनोज म्हणाला,"आज सकाळी एक चिमणी उडत माझ्या खिडकीवर येऊन बसली आणि आम्ही म्हणालो,या वर्षाच्या शेवटी अर्थात 2023 मध्ये 'द फॅमिली मॅन'च्या शूटिंगला सुरुवात होणार आहे. तसेच जर पैसे वाचले तर रिलीजदेखील करू. सर्वकाही ठिक होईल".
View this post on Instagram
'द फॅमिली मॅन 2' रिलीज झाल्यापासून चाहते 'द फॅमिली मॅन 3'ची प्रतीक्षा करत आहेत. 'द फॅमिली मॅन'च्या तिसऱ्या सीझनमध्ये प्रेक्षकांना थरार नाट्य अनुभवायला मिळणार आहे. राज निदिमोरू, कृष्णा डी.के आणि सुमन कुमारने या सीरिजच्या लेखनाची आणि दिग्दर्शनाची धुरा सांभाळली आहे. तर मनोज वायपेयी, प्रियामणी, शारीब हाशमी आणि श्रेया धनवंतरी या सीरिजमध्ये मुख्य भूमिकेत आहेत.
मनोज वाजपेयीने गेल्या काही दिवसांपूर्वी सोशल मीडियावर एक व्हिडीओ शेअर केला होता. यात तो म्हणत होता की,"तुम्ही सगळे कसे आहात? नीट ऐका, या होळीला माझ्या फॅमिलीला घेऊन मी तुमच्या फॅमिलीला भेटायला येत आहे". हा व्हिडीओ शेअर करत त्याने लिहिलं आहे,"फॅमिली के साथ आ रहा हूँ, स्वागत नहीं करोगे हमारा". या व्हिडीओनंतर 'द फॅमिली मॅन 3' लवकरच रिलीज होणार असल्याची शक्यता वर्तवली गेली.
फॅमिली मॅनची स्टार कास्ट
'द फॅमिली मॅन'च्या दोन्ही सीझनमध्ये मनोज वायपेयी, शारीब हाश्मी, प्रियामणी, श्रेया धन्वंतरी आणि शरद केळकर यांनी प्रमुख भूमिका साकारली होती. तर दुसऱ्या सीझनमध्ये समंथा रुथ प्रभूनं प्रमुख भूमिका साकारली होती. त्यामुळे तिसऱ्या सीझनमध्ये कोणते कलाकार असणार आहेत, हे जाणून घेण्यासाठी प्रेक्षक उत्सुक आहेत.
संबंधित बातम्या
'Paatal Lok 2' ते 'The Family Man 3'; 2023 मध्ये प्रदर्शित होणार बहुचर्चित वेबसीरिज
महत्त्वाच्या बातम्या
