Malaika Arora : अर्जुन कपूरसोबत लग्न करणार का? मलायका म्हणते, ‘मी अजून तयार नाही’!

Malaika Arora : अर्जुन कपूर आणि मलायका अरोरा यांना बॉलिवूड इंडस्ट्रीचे पॉवर कपल देखील म्हटले जाते. मात्र, आता चाहत्यांना ही जोडी लग्न कधी करणार याची उत्सुकता लागली आहे.

Malaika Arora, Arjun Kapoor

Malaika Arora, Arjun Kapoor : बॉलिवूड अभिनेता अर्जुन कपूर (Arjun Kapoor) आणि अभिनेत्री मलायका अरोरा (Maliaka Arora) हे इंडस्ट्रीतील सर्वात हॉट कपल्सपैकी एक आहेत. दोघांना अनेकदा एकत्र स्पॉट केले जाते. दोन्ही सेलिब्रिटी सोशल मीडियावर खूप सक्रिय असतात आणि त्यांचे व्हिडिओ आणि फोटो शेअर करत असतात. दोघेही एकमेकांवर प्रेमाचा वर्षाव करण्याची एकही संधी सोडत नाहीत. अर्जुन कपूर आणि मलायका अरोरा यांना बॉलिवूड इंडस्ट्रीचे पॉवर कपल देखील म्हटले जाते. मात्र, आता चाहत्यांना अर्जुन कपूर आणि मलायका अरोरा ही जोडी लग्न कधी करणार याची उत्सुकता लागली आहे.

पण मलायका सध्या तिचा बॉयफ्रेंड अर्जुन कपूर याच्यासोबत लग्न करण्यासाठी तयार नाही. नुकतीच तिने एक मुलाखत दिली आहे, ज्यामध्ये तिने अर्जुन कपूरसोबतच्या लग्नाच्या प्लॅनिंगबद्दल मोकळेपणाने आपले मत व्यक्त केले आहे.

मलायका म्हणते, मी आताच...

मलायका अरोराला या मुलाखतीत लग्नाशी संबंधित प्रश्न विचारण्यात आला होता, ज्यावर अभिनेत्री म्हणाली की, ‘लग्न ही आयुष्यात घडणारी सुंदर घटना आहे. मला वाटतं की, कुणीही लग्नासाठी घाई करू नये, कारण तो एक सामाजिक दबाव आहे. कधीकधी पालक तुमच्यावर जबरदस्ती करतात. म्हणून योग्य कारणांसाठी लग्न करा. तुम्ही योग्य व्यक्तीसोबत असाल, तर ते जगातील सर्वांत सुंदर नातं आहे. जेव्हा माझ्या लग्नाचा प्रश्न येतो, तेव्हा मला असेच वाटते की, मी आत्ताच त्याचे उत्तर देऊ शकणार नाही.’

अर्जुन माझा चांगला मित्र!

मलायका अरोरा म्हणाली की, 'आपल्या मित्रावर प्रेम करणे ही खूप चांगली गोष्ट आहे. अर्जुन मला खूप चांगल्याप्रकारे समजून घेतो. आम्ही नेहमी एकमेकांना प्रोत्साहन देतो. अर्जुनसोबत माझे फक्त चांगले संबंध नाहीत, तर तो माझा चांगला मित्रही आहे. मी अर्जुनशी काहीही बोलू शकतो. रिलेशनशिपमध्ये असण्याची सर्वात सुंदर गोष्ट म्हणजे तुम्ही तुमच्या जोडीदारासोबत जसे आहात तसे राहू शकता आणि अर्जुनसोबत देखील मी जशी आहे, तशीच राहू शकते.

पूर्वपती अरबाजसोबतही चांगले बंध

यावेळी मलायका पूर्वपती अरबाज खानसोबतच्या (Arbaaz Khan) तिच्या नात्याबद्दलही बोलली. ती म्हणाकी की, 'माझ्यात आणि अरबाजमध्ये खूप चांगली समज आहे. आम्ही दोघे विभक्त झाल्यापासून एकमेकांना अधिक चांगल्या प्रकारे समजून घेऊ लागलो आहोत. तो एक चांगला व्यक्ती आहे आणि मी त्याला पुढील आयुष्यासाठी फक्त शुभेच्छा देऊ शकते. कधी कधी माणसं चांगली असतात, पण कधी कधी ती एकत्र असताना आपल्यासाठी चांगली नसतात. आमच्या बाबतीतही असेच झाले आहे. जेव्हा आम्ही वेगळे झालो, तेव्हा मी स्वतःला प्राधान्य दिले. कदाचित यामुळेच मी आज एक चांगली व्यक्ती आहे. माझे माझ्या मुलाशी चांगले संबंध आहेत. माझे अरबाजसोबतही चांगले संबंध आहेत. मी माझ्या निर्णयावर आणि स्वतःसाठी ठाम उभी राहिले याचा मला आनंद आहे. पण मी इतक्यात लग्नासाठी तयार नाही.’

हेही वाचा :