(Source: ECI/ABP News/ABP Majha)
VIDEO: मलायकाचा चाहता फोटो काढायला आला अन् थेट कंबरेवर हात ठेवला, छैय्या छैय्या गर्लच्या व्हिडीओनं नेटकऱ्यांचे वेधले लक्ष
Malaika Arora Viral Video: मलायकाचा एक व्हिडीओ सोशल मीडियावर व्हायरल झाला आहे. या व्हिडीओमध्ये मलयाकाचा एक चाहता तिच्यासोबत फोटो काढताना दिसत आहे.
Malaika Arora Viral Video: बॉलिवूडमधील प्रसिद्ध अभिनेत्री मलायका अरोरा (Malaika Arora) ही तिच्या ग्लॅमरस स्टाईलनं आणि डान्सनं प्रेक्षकांची मनं जिंकते. पण नुकताच मलायकाचा एक व्हिडीओ सोशल मीडियावर व्हायरल झाला आहे. या व्हिडीओमध्ये मलयाकाचा एक चाहता तिच्यासोबत फोटो काढताना दिसत आहे. या व्हिडीओची चर्चा सध्या सोशल मीडियावर होत आहे.
चाहत्यानं ठेवला कमरेवर हात (Malaika Arora Viral Video)
मलायका अरोरा 'झलक दिखला जा 11' (Jhalak Dikhla ja) या डान्स रिअॅलिटी शोमध्ये जजच्या भूमिकेत दिसणार आहे. या कार्यक्रमाच्या सेटवरील एक व्हिडीओ सध्या सोशल मीडियावर व्हायरल होत आहे. या व्हिडीओमध्ये मलायका ही लाल रंगाची साडी आणि मोकळे केस अशा ग्लॅमरस लूकमध्ये दिसत आहे. व्हिडीओमध्ये दिसते की, मलायकाचा एक चाहता तिच्यासोबत फोटो काढायला येतो. फोटो काढताना तो चाहता मलायकाच्या कंबरेवर हात ठेवतो. मलायकाचा बॉडीगार्ड त्या चाहत्याच्या जवळ येतो आणि मलायकाच्या कंबरेवरुन हात काढून टाकतो.
नेटकऱ्यांच्या कमेंट
मलायकाच्या व्हायरल व्हिडीओला कमेंट करुन नेटकरी मलायकाचं भरभरून कौतुक करत आहेत. एका नेटकऱ्यानं मलायकाच्या व्हिडीओला कमेंट केली, 'आजपासून तिला कोणीही ट्रोल करणार नाही.' तर दुसऱ्याने युझरनं कमेंट केली, 'ती खूप नम्र आहे.'
पाहा व्हिडीओ:
View this post on Instagram
'छैय्या छैय्या', मुन्नी बदनाम हुई डार्लिंग तेरे लिए या गाण्यांमुळे मलायकाला विशेष लोकप्रियता मिळाली. मलायका ही तिच्या वैयक्तिक आयुष्यामुळे नेहमीच चर्चेत असते. मलायकाने 1998 मध्ये अरबाजसोबत लग्न केले. त्यानंतर 2017 मध्ये मलायका आणि अरबाजचा घटस्फोट झाला. सध्या मलायका अर्जुन कपूरला डेट करत आहे. अर्जुन आणि मलायका यांच्यामधील वयाच्या अंतरामुळे अनेक नेटकरी त्यांना ट्रोल करतात. मलायका ही सोशल मीडियावर तिच्या वेगवेगळ्या लूकमधील फोटो आणि व्हिडीओ शेअर करत असते. तिला इन्स्टाग्रामवर 18.7 मिलियन फॉलोवर्स आहेत.
View this post on Instagram
इतर महत्वाच्या बातम्या:
Malaika Arora: "ऐका दाजीबा!" गाण्यावर मलायका अरोराचा जबरदस्त परफॉर्मन्स, पाहा व्हिडीओ
महत्त्वाच्या बातम्या
ट्रेंडिंग न्यूज
