Madhuri Dixit : बॉलिवूडची 'धक धक गर्ल' माधुरी दीक्षित (Madhuri Dixit) नेहमीच कोणत्या ना कोणत्या कारणाने चर्चेत असते. माधुरीचा 15 मे रोजी वाढदिवस असून यंदाचा तिचा बर्थडे खूपच खास असणार आहे. 'डान्स दीवाने सीझन 4' (Dance Deewane 4) या कार्यक्रमाचा या आठवड्यातील आगामी भाग खूपच खास असणार आहे. या कार्यक्रमाच्या मंचावर अनोख्या अंदाजात माधुरी दीक्षितचा वाढदिवस साजरा होणार आहे. या कार्यक्रमाचा प्रोमो आता समोर आला आहे. प्रोमोमध्ये माधुरीचे पती डॉ. श्रीराम नेने (Dr. Shriram Nene) दिसून येत आहेत. तसेच तिच्या दोन मुलांनी तिच्यासाठी एक खास संदेश पाठवला आहे. मुलांचा संदेश वाचून माधुरीला अश्रू अनावर झाले आहेत.
'डान्स दीवाने 4'च्या आगामी भागात डॉ. श्रीराम नेने दिसून येत आहेत. या कार्यक्रमाच्या मंचावर माधुरी दीक्षित आणि श्रीराम नेने यांनी तिच्याच चित्रपटातील 'तुमसे मिलके' या गाण्यावर डान्स केला. माधुरीचा वाढदिवस खास करण्यासाठी डान्स दीवानेच्या मंचावर श्रीराम नेने कार्मेलो या त्यांच्या श्वानासोबत आले आहेत. पत्नीला त्यांनी स्व-हस्ताक्षरात लिहिलेलं एक पत्र दिलं आहे. तसेच माधुरीच्या तिच्या मुलांनी आणि बहिणीने एक खास व्हिडीओ मेसेजदेखील पाठवला आहे.
बहिण बोलताना भावना अनावर
माधुरी दीक्षितसाठी तिच्या बहिणीने एक खास व्हिडीओ मेसेज पाठवला आहे. यात तिने बालपणीच्या आठवणींना उजाळा दिला आहे. दरम्यान माधुरीला भावना अनावर होतात. बहिण माधुरीचं कौतुक करते आणि तिला वाढदिवसाच्या शुभेच्छाही देते. बहिणीचा व्हिडीओ पाहून माधुरीला आनंद होतो. माधुरी आपली बहिण असल्यामुळे आपण किती भाग्यशाली आहोत हे ती सांगते. माधुरीला नृत्य करायला किती आवडतं, लहानपणीच्या मजा-मस्ती अशा अनेक आठवणींना माधुरीच्या बहिणीने उजाळा दिला आहे. माधुरीने कायम आनंदी राहावं, असं तिला वाटतं.
माधुरी दीक्षितसाठी लेकरांचा मेसेज
माधुरीची दोन मुलं अरिन आणि रयान नेने यांनीदेखील व्हिडीओच्या माध्यमातून आपल्या आईला वाढदिवसाच्या शुभेच्छा दिल्या आहेत. माधुरीचा वाढदिवस आणि मातृदिन एकाच एकत्रच येत असतो. आई आपली रोल मॉडेल असल्याचं मुलं म्हणतात. आईपासून दूर असल्याने तिची खूप आठवण येत असल्याचं ते सांगतात. लेकरांचा व्हिडीओ पाहून माधुरीला अश्रू अनावर होतात. माधुरीच्या डोळ्यात पाणी पाहून भारतीदेखील भावनिक होते आणि ती धक धक गर्लला मिठी मारते.
अंकिताने केला माधुरीच्या गाण्यावर डान्स
अंकिता लोखंडेने माधुरी दीक्षितच्या 'हमको आज कल है' या गाण्यावर डान्स केला आहे. माधुरीला वाढदिवसाची भेट म्हणून अंकिता लोखंडे तिला महाराष्ट्रीयन पद्धतीचे पोहे देते. दरम्यान भारती घोषणा करते की अंकिता लोखंडे आणि तिचा पती विकी जैन 'लाफ्टर शेफ्स अनलिमिटेड एंटरटेनमेंट'चा भाग असतील.
संबंधित बातम्या