Koffee With Karan 7 Promo: '... म्हणून मी टायगरला डेट करणार नाही'; कॉफी विथ करणमध्ये क्रिती सेनन करणार गौप्यस्फोट
प्रोमोमध्ये दिसत आहे की, अभिनेत्री क्रिती सेनन (Kriti Sanon) ही अभिनेता टायगर श्रॉफला (Tiger Shroff) डेट न करण्याचं कारण सांगत आहे.
Koffee With Karan 7 : बॉलिवूडमधील दिग्दर्शक करण जोहरचा (karan johar) 'कॉफी विथ करण' (Koffee With Karan) हा टॉक शो चर्चेत असतो. सध्या या कार्यक्रमाचा सातवा सिझन प्रेक्षकांच्या भेटीस आला आहे. वेगवेगळे सेलिब्रिटी या शोमध्ये हजेरी लावतात. नुकताच या कार्यक्रमाच्या नव्या एपिसोडचा प्रोमो रिलीज झाला आहे. या प्रोमोमध्ये दिसत आहे की, अभिनेत्री क्रिती सेनन (Kriti Sanon) ही अभिनेता टायगर श्रॉफला (Tiger Shroff) डेट न करण्याचं कारण सांगत आहे. या एपिसोडमध्ये टायगर आणि क्रिती हे करणसोबत मजेशीर गप्पा मारणार आहेत. तसेच हे दोघे त्यांच्या वैयक्तिक आयुष्याबद्दल देखील सांगणार आहेत.
हीरोपंती या चित्रपटामधून क्रिती आणि टायगर यांनी बॉलिवूडमध्ये पदार्पण केलं. हे दोघे आता गणपत या चित्रपटातून लवकरच प्रेक्षकांच्या भेटीस येणार आहे. क्रिती आणि टायगरची चित्रपटांमधील केमिस्ट्री ही प्रेक्षकांनी पाहिली आहे. आता त्यांची ऑफ स्क्रिन केमिस्ट्री कॉफी विथ करणच्या आगमी एपिसोडमध्ये प्रेक्षकांना बघायला मिळणार आहे. नुकताच या एपिसोडचा प्रोमो सोशल मीडियावर व्हायरल झाला आहे. या प्रोमोमध्ये दिसत आहे की, कॉफी विथ करणच्या या एपिसोडमध्ये क्रिती अनेक गौप्यस्फोट करणार आहे. प्रोमोमध्ये क्रिती ही करणला सांगताना दिसत आहे की, स्टूडेंट ऑफ द ईयर 1 या चित्रपटासाठी ऑडिशन दिले होते. तसेच टायगरबद्दल देखील क्रितीनं या एपिसोडमध्ये सांगितलं. ती म्हणते, 'मी टायगरला कधी डेट केलं नाही कारण तो फ्लिप करतो.' यावर टायगर मजेशीर रिअॅक्शन देतो.
पाहा प्रोमो:
View this post on Instagram
कॉफी विथ करणमध्ये वेगवेगळे सेलिब्रिटी हजेरी लावतात. या कार्यक्रमामध्ये सेलिब्रिटी त्यांच्या वैयक्तिक आयुष्याबद्दल चर्चा करतात. कॉफी विथ करणचा आगामी एपिसोड तुम्ही गुरुवारी 12 वाजता पाहू शकता. सारा अली खान, जान्हवी कपूर, अनन्या पांडे, विजय देवरकोंडा, आलिया भट्ट आणि रणवीर सिंह यांनी या कार्यक्रमात हजेरी लावली होती.
वाचा इतर महत्त्वाच्या बातम्या:
महत्त्वाच्या बातम्या
ट्रेंडिंग न्यूज
