Shah Rukh Khan: बॉलिवूडमधील प्रसिद्ध अभिनेता शाहरूख खानचा (Shah Rukh Khan) चाहता वर्ग मोठा आहे. त्यांच्या चित्रपटांना प्रेक्षकांची नेहमी पसंती मिळते. चित्रपटांबरोबरच शाहरूख वेगवेगळ्या जाहिरातींमध्ये देखील काम करतो. सध्या एका जाहिरातीमध्ये किंवा चित्रपटामध्ये काम करण्यासाठी तो लाखो रूपये मानधन घेतो. पण शहारूखची पहिली कमाई किती होती?, असा प्रश्न त्याच्या चाहत्यांना पडत असेल. जाणून घेऊयात शाहरूखची पहिली कमाई किती होती? आणि त्याने ती कशी खर्च केली.
काही दिवसांपूर्वी शाहरूखने एका शोमध्ये हजेरी लावली होती. या शोमध्ये शाहरूखने त्याच्या पहिल्या कमाईबद्दल सांगितले होते. शाहरूखने सांगितले की, त्याने म्यूझिकल शोमध्ये प्रेक्षकांची बैठक व्यवस्था पाहण्याचे काम केले होते. त्या कामाचे शाहरूखला 50 रूपये मिळाले होते. शाहरूखला ताजमहल पाहण्याची इच्छा होती. त्यामुळे शाहरूखने त्याला मिळालेल्या पैशांने बसचे तिकीट घेतले आणि तो ताजमहल बघण्यासाठी गेला.
पुढे शाहरूख म्हणाला, 'माझी पहिली कमाई ही बसचं तिकीट खरेदी केल्यावर संपली. त्यामुळे माझ्याकडे काही खाण्यासाठी पैसे नव्हते.'
शाहरूखची संपत्ती
शाहरूखची सध्याची वार्षिक कमाई 38 मिलियन म्हणजेच जवळपास 284 करोड रूपये आहे. शाहरूखने त्याच्या करिअरची सुरूवात फौजी आणि सर्कस यांसारख्या मालिकांमधून केली. त्यानंतर त्याने बनेगा करोडपती- सिझन 3 आणि क्या आप पंचवी पास से तेज है या शोचे सुत्रसंचालन देखील केले आहे. फोर्ब्सच्या रिपोर्टनुसार,2011मध्ये शाहरूखने 'झटका: टोटल वाइपआउट' या शोसाठी 2.5 करोड रुपये मानधन घेतले होते.