Selfiee Movie : बॉलिवूड अभिनेता अक्षय कुमार (Akshay kumar) आणि इमरान हाश्मीचा (Emraan Hashmi) आगामी 'सेल्फी' (Selfiee) सिनेमा लवकरच प्रदर्शित होणार आहे. करण जोहरने त्याच्या अधिकृत इंस्टाग्राम अकाऊंटवरून सिनेमाचा फर्स्ट लूक शेअर केला आहे. तर अक्षय कुमारने इमरान हाश्मीसोबतचा सेल्फी सोशल मीडियावर शेअर केला आहे. या फोटोत अक्षय आणि इमरान निसर्गरम्य ठिकाणी बाईक चालवताना दिसत आहेत.
करण जोहरने सिनेमाचा फर्स्ट लूक शेअर करत म्हटले आहे,"सादर करत आहोत सेल्फी. या सिनेमात अक्षय कुमार आणि इमरान हाश्मी दिसणार आहेत. तर या सिनेमाचे दिग्दर्शन राज मेहता करत आहेत. लवकरच शूटिंग सुरू होणार आहे".
याआधी अक्षय कुमारने दोन फोटो शेअर केले होते. पहिला सेल्फी शेअर करत त्याने लिहिले,"दिवसाची सुरुवात सेल्फीने करा". तर इमरान हाश्मी सोबतचा दुसरा फोटो शेअर करत त्याने लिहिले,"मला सेल्फीसाठी परफेक्ट पार्टनर सापडला आहे". 'सेल्फी' हा सिनेमा 2019 साली प्रदर्शित झालेल्या 'ड्रायव्हिंग लायसन्स' या मल्याळम सिनेमाचा हिंदी रिमेक असणार आहे.
संबंधित बातम्या