Sunny Deol: मुलाच्या संगीत सोहळ्यात सनी देओलचा जबरदस्त परफॉर्मन्स; 'मैं निकला गड्डी लेके' गाण्यावरील डान्सचा व्हायरल
करणच्या संगीत सोहळ्यात सनी देओलनं (Sunny Deol) 'मैं निकला गड्डी लेके' या गाण्यावर जबरदस्त डान्स केला.
Sunny Deol: बॉलिवूडमधील प्रसिद्ध अभिनेता सनी देओलचा (Sunny Deol) मुलगा करण देओल (Karan Deol) हा लवकरच त्याची गर्लफ्रेंड द्रिशा आचार्यसोबत लग्नागाठ बांधणार आहे. करण आणि द्रिशा यांचे प्रीवेडींग फंक्शन्स गेल्या काही दिवसांपासून सुरु आहेत. करण आणि द्रिशा यांचा संगीत सोहळा नुकताच पार पडला. अनेक सेलिब्रिटींनी त्यांच्या संगीत सोहळ्यात हजेरी लावली. करणच्या संगीत सोहळ्यात सनी देओलनं 'मैं निकला गड्डी लेके' या गाण्यावर जबरदस्त डान्स केला. त्याच्या या परफॉर्मन्सचा व्हिडीओ सोशल मीडियावर व्हायरल झाला आहे.
गदर : एक प्रेम कथा या ब्लॉकबस्टर चित्रपटातील 'मैं निकला गड्डी लेके' या गाण्यावर सनीनं करण आणि द्रिशा यांच्या संगीत सोहळ्यात डान्स केला. करण आणि द्रिशा यांच्या संगीत सोहळ्यासाठी सनीनं त्याच्या गदर या चित्रपटातील तारा सिंह या भूमिकेसारखा लूक केला होता.
पाहा व्हिडीओ:
View this post on Instagram
धर्मेंद्र यांनी देखील त्यांचा नातू करणच्या संगीत सोहळ्यात डान्स केला. करण आणि द्रिशा यांच्या संगीत सोहळ्याला अभिनेता रणवीर सिंहनं देखील हजेरी लावली होती.
View this post on Instagram
करण देओल आणि द्रिशा आचार्य यांचा विवाह सोहळा 18 जून रोजी पार पडणार आहे. त्यांच्या लग्न सोहळ्याला जवळचे मित्र आणि कुटुंबीय हजेरी लावणार आहेत.
सनी देओलचा गदर : एक प्रेम कथा हा चित्रपट 9 जून रोजी रि-रिलीज करण्यात आला. या चित्रपटामधील सनीच्या अभिनयाला प्रेक्षकांची पसंती मिळाली. आता 'गदर 2' हा सिनेमा 11 ऑगस्ट 2023 रोजी सिनेमागृहात प्रदर्शित होणार आहे. सनी देओलच्या या आगामी चित्रपटाची प्रेक्षक उत्सुकतेने वाट बघत आहेत. अनिल शर्माने (Anil Sharma) 'गदर 2' या सिनेमाच्या दिग्दर्शनाची धुरा सांभाळली आहे. ध्यप्रदेश आणि इंदौर आणि मांडूमध्येदेखील 'गदर 2'चं शूटिंग झालं आहे.
संबंधित बातम्या
Before You Go
Majha Sanman Award 2026: अरुण फिरोदिया यांचा उद्योगक्षेत्रातील अतुलनीय कामगिरीबद्दल ‘माझा सन्मान’ पुरस्काराने गौरव
महत्त्वाच्या बातम्या
