Kantara: कुणी चार कोटी तर कुणी एक कोटी... 'कांतारा' साठी कलाकरांनी घेतलं एवढं मानधन
'कांतारा' (Kantara) या चित्रपटामध्ये काम केलेल्या कलाकारांनी चित्रपटासाठी किती मानधन घेतलं असेल? असा प्रश्न आता अनेकांना पडला असेल? जाणून घेऊयात कांतारा चित्रपटाच्या कलाकारांच्या मानधनाबाबत...
Kantara: 'कांतारा' (Kantara) या चित्रपटानं बॉक्स ऑफिसवर धुमाकूळ घातला. या चित्रपटानं बॉक्स ऑफिसवर कोट्यवधींची कमाई केली आहे. ऋषभ शेट्टी (Rishab Shetty) यानं या चित्रपटाचं दिग्दर्शन केलं असून त्याने या चित्रपटात प्रमुख भूमिका साकारली आहे. धनुष, अनुष्का शेट्टी, प्रभास ,विवेक अग्निहोत्री,कंगना रनौत या सेलिब्रिटींनी या चित्रपटाचं सोशल मीडियावर पोस्ट शेअर करुन कौतुक केलं. या चित्रपटामध्ये काम केलेल्या कलाकारांनी चित्रपटासाठी किती मानधन घेतलं असेल? असा प्रश्न आता अनेकांना पडला असेल? जाणून घेऊयात कांतारा चित्रपटाच्या कलाकारांच्या मानधनाबाबत...
रिषभ शेट्टी
चित्रपटाचं दिग्दर्शन आणि लेखन करणाऱ्या रिषभ शेट्टीनं या चित्रपटात शिवा ही भूमिका साकारली आहे. या चित्रपटातील रिषभच्या अभिनयाचं अनेकांनी कौतुक केलं. या चित्रपटासाठी रिषभनं चार कोटी मानधन घेतलं.
सप्तमी गौडा
अभिनेत्री सप्तमी गौडानं कांतारा या चित्रपटात लीला ही भूमिका साकारली. सप्तमीनं या चित्रपटात काम करण्यासाठी 1.25 रुपये मानधन घेतलं आहे.
किशोर
कांतारा चित्रपटात मुरलीधर या फॉरेस्ट ऑफिसरची भूमिका अभिनेता किशोर यांनी साकारली आहे. ही भूमिका साकारण्यासाठी किशोर यांनी एक कोटी रुपये मानधन घेतलं आहे.
अच्युत कुमार
चित्रपटात देवेन्द्र सुत्तूरू ही भूमिका अच्युत कुमार यांनी साकारली आहे. त्यांनी या चित्रपटासाठी 75 लाख मानधन घेतलं.
कांतारा या चित्रपटात अभिनेता प्रमोद शेट्टीने सुधाकरची भूमिका केली असून या भूमिकेसाठी त्याला सुमारे 60 लाख रुपये मानधन मिळाले आहे. तसेच दीपक राय पणजे यांची चित्रपटात महत्त्वाची भूमिका आहे. त्यांनी सुंदर ही भूमिका साकारली असून त्यासाठी त्यांनी सुमारे 40 लाख रुपये घेतले आहेत.
कांतारा या चित्रपटाच्या हिंदी व्हर्जननं केवळ 8 दिवसांत बॉक्स ऑफिसवर 17 कोटींहून अधिक कमाई केली आहे. तर जगभरात या चित्रपटानं 170 कोटीपेक्षा जास्त कमाई केली आहे. कांतारा हा चित्रपट अवघ्या 16 कोटींमध्ये बनलेला ‘कांतारा’ हा चित्रपट सध्या साऊथच नव्हे तर, हिंदीमध्येही धुमाकूळ घालत आहे. ‘कांतारा’ हा चित्रपट 14 ऑक्टोबर रोजी हिंदीमध्येही प्रदर्शित झाला आहे.
वाचा इतर महत्त्वाच्या बातम्या:
महत्त्वाच्या बातम्या
