Rishab Shetty Prequel Of Kantara: प्रतीक्षा संपली! कांतारा-2 येतोय; ऋषभ शेट्टीनं दिली मोठी अपडेट

कांतारा-2 (Kantara-2) या चित्रपटाबद्दल ऋषभनं सोशल मीडियावर पोस्ट शेअर करुन चाहत्यांना माहिती दिली.

Kantara-2

Source : Instagram

Rishab Shetty Prequel Of Kantara: अभिनेता ऋषभ शेट्टीचे (Rishab Shetty) चाहते त्याच्या आगामी चित्रपटांची उत्सुकतेने वाट बघत आहेत. ऋषभ शेट्टीनं  कांतारा (Kantara) चित्रपटाच्या प्रीक्वेलचं (Prequel Of Kantara)  कथानक लिहायला सुरुवात केली आहे. कांतारा-2 (Kantara-2) या चित्रपटाबद्दल ऋषभनं सोशल मीडियावर पोस्ट शेअर करुन चाहत्यांना माहिती दिली. 

होम्बले फिल्म्स या प्रोडक्शन हाऊसनं ट्विटर अकाऊंटवर एक ट्वीट शेअर केलं. या ट्वीटमध्ये लिहिलं, "नवीन वर्षाच्या या शुभ मुहूर्तावर, आम्हाला हे कळवताना आनंद होत आहे की, कांताराच्या दुसऱ्या भागाचे लेखन सुरू झाले आहे. निसर्गाशी असलेले आमचे नाते दर्शवणारी आणखी एक आकर्षक कथा तुमच्यासमोर मांडण्यासाठी आम्ही उत्सुक आहोत. अधिक अद्यतनांसाठी संपर्कात रहा."

ऋषभ शेट्टीचं ट्वीट

 ऋषभ शेट्टीनं कांतारा-2 बाबत लिहिलं, "कांताराच्या रायटिंगला सुरुवात" त्याच्या या ट्वीटवर अनेक नेटकऱ्यांनी लाईक्स आणि कमेंट्सचा वर्षाव केला आहे.  

ಬರವಣಿಗೆಯ ಆದಿ…
On this auspicious occasion of Ugadi & New Year, we are delighted to announce that the writing for the second part of #Kantara has begun. We can't wait to bring you another captivating story that showcases our relationship with nature. Stay tuned for more updates. pic.twitter.com/JPmtE5vtx2

— Hombale Films (@hombalefilms) March 22, 2023

'कांतारा' हा चित्रपट एक अॅक्शन थ्रिलर चित्रपट आहे. अवघ्या 16 कोटींमध्ये बनलेला ‘कांतारा’ हा चित्रपट सध्या साऊथच नव्हे तर, हिंदीमध्येही हिट ठरला. 'कांतारा' चित्रपटात अच्युता कुमार, सप्तमी गौडा, प्रमोद शेट्टी आणि किशोर सहाय्यक भूमिकेत दिसले. आता कांतारा-2 मध्ये कोणते कलाकार प्रमुख भूमिका साकारतील? याकडे अनेकांचे लक्ष लागले आहे. धनुष, अनुष्का शेट्टी, प्रभास ,विवेक अग्निहोत्री,कंगना रनौत या सेलिब्रिटींनी या चित्रपटाचं सोशल मीडियावर पोस्ट शेअर करुन कौतुक केलं. कन्नड भाषेतील कांतारा हा चित्रपट हिंदी आणि तेलुगू या भाषांमध्ये देखील रिलीज करण्यात आला.

माणूस आणि निसर्ग यांच्या नातेसंबंधावर अधारित असणारा कांतारा हा चित्रपट तुम्ही नेटफ्लिक्स या ओटीटी प्लॅटफॉर्मवर पाहू शकता. या चित्रपटानं 2022 मधील भारतातील सर्वाधिक लोकप्रिय ठरलेल्या चित्रपटाच्या यादीत स्थान मिळवलं. आता कांतारा-2 ची प्रेक्षक उत्सुकतेने वाट बघत आहेत. 

महत्वाच्या इतर बातम्या :