Jawan Trailer: जबरदस्त डायलॉग्स, अॅक्शन सीन्स आणि किंग खानचे वेगवेगळे लूक्स; 'जवान' चा अंगावर शहारे आणणारा ट्रेलर रिलीज
Jawan Trailer Release: जवान या चित्रपटाचा ट्रेलर रिलीज झाला आहे. या ट्रेलरमधील शाहरुखच्या लूकनं अनेकांचे लक्ष वेधले आहे.
Jawan Trailer Release: अभिनेता शाहरुख खानच्या (Shah Rukh Khan) जवान (Jawan) या चित्रपटाचा ट्रेलर प्रेक्षकांच्या भेटीस आला आहे. या ट्रेलरमध्ये शाहरुख हा विविध लूक्समध्ये दिसत आहे. तसेच या ट्रेलरमधील डायलॉग्स आणि अॅक्शन सीन्स यांनी अनेकांचे लक्ष वेधले आहे. जवान या चित्रपटाचा ट्रेलर रिलीज झाल्यानंतर नेटकऱ्यांनी कमेंट्स करुन ट्रेलरमधील शाहरुखच्या अभिनयाचं कौतुक केलं आहे.
जवान चित्रपटाच्या ट्रेलरची सुरुवात "एक राजा था एक के बाद एक जंग हारता गया" या डायलॉगनं होते. त्यानंतर ट्रेलरमध्ये काही अॅक्शन सीन्स दिसतात. जवान चित्रपटाच्या ट्रेलरमध्ये शाहरुखसोबतच अभिनेता विजय सेतूपती, दीपिका पादुकोण आणि नयनतारा यांची देखील झलक पाहायला मिळते. ट्रेलरच्या शेवटी रमैया वस्तावैया हे गाणं ऐकू येतं. आता जवान चित्रपटाचा ट्रेलर रिलीज झाल्यानंतर प्रेक्षक या चित्रपटाची उत्सुकतेने वाट बघत आहेत.
पाहा ट्रेलर:
शाहरुखनं जवान चित्रपटाचा ट्रेलर ट्विटरवर शेअर करुन कॅप्शनमध्ये लिहिलं, 'Of Justice & A Jawan, Of Women & their Vengeance,Of a Mother & A Son. And of course, a lot of Fun!!'
Of Justice & A Jawan.
— Shah Rukh Khan (@iamsrk) August 31, 2023
Of Women & their Vengeance.
Of a Mother & A Son.
And of course, a lot of Fun!!!
Ready Ahhh!!!#JawanTrailer out now! #Jawan releasing worldwide on 7th September, 2023 in Hindi, Tamil & Telugu. pic.twitter.com/WwU95DJcK2
जवान कधी होणार रिलीज?
जवान हा चित्रपट 7 सप्टेंबर रोजी थिएटरमध्ये प्रदर्शित होणार आहे. हा चित्रपट हिंदी, तामिळ आणि तेलुगू भाषेत रिलीज केला जाणार आहे. चित्रपटाचा प्री व्ह्यू आणि चित्रपटांमधील गाणी काही दिवसांपूर्वी प्रेक्षकांच्या भेटीस आली.
'जवान'मधील गाण्यांना मिळाली नेटकऱ्यांची पसंती
जवान चित्रपटामधील 'जिंदा बंदा', 'चलेया' आणि 'नॉट रमैया वस्तावैया' ही गाणी प्रेक्षकांच्या भेटीस आली. या गाण्यांना नेटकऱ्यांची पसंती मिळाली. या गाण्यांमध्ये शाहरुखचा हटके अंदाज प्रेक्षकांना बघायला मिळाला.
जवान हा चित्रपट अॅटलीनं दिग्दर्शित केला आहे. या चित्रपटामध्ये सान्या मल्होत्रा,प्रियामणी, गिरिजा ओक, संजीता भट्टाचार्य यांनी देखील प्रमुख भूमिका साकारल्या आहेत. हा चित्रपट शाहरुखच्या पठाण चित्रपटाप्रमाणेच बॉक्स ऑफिवर कोट्यवधींची कमाई करेल का? याकडे अनेकांचे लक्ष लागले आहे.
संबंधित बातम्या
महत्त्वाच्या बातम्या
